StarNews-ը բազմիցս անդրադարձել է Մհեր Բաղդասարյանի և Արա Ղազարյանի «Օձի լեզու» հաղորդմանը`գրեթե մշտապես քաջալերելով և դրական արձագանքելով ցանկացած աշխատանքի և երևույթի առողջ քննադատությանը: Այս ժամանակահատվածում Արան և Մհերը հասցրել են քննադատել, խոսել ու պարզոլ մի շարք երևույթներ, ինչպես նաև նրանք խոսել են շատ արտիստների, նրանց կատարած աշխատանքներում առկա բացերի մասին:
Սակայն տղաները, կարծես, նույն էնտուզիազմով չեն հետևում իրենք իրենց հաղորդումներին, որի 85 տոկոսից ավելին ասես գովազդ է, և կարևոր չէ`որքանով կապ ունի հաղորդման և առհասարակ ֆորմատի հետ:
Այս օրերին, երբ յութուբյան հարթակում քննադատակ հաղորդումները բացակայում են, «Օձի լեզու» հաղորդումը հաղորդման սկզբից 20 րոպե ժամանակ է հատկացնում գերմանական ինչ որ հյուրանոցի գովազդին:
Իհարկե, բոլորս գիտենք, որ յուրաքանչյուր նախագիծ գոյատևում է իր հովանավորների շնորհիվ, բայց գովազդն այստեղ, մեղմ ասած, չափից շատ է:
Հաղորդումը դիտելիս այնպիսի տպավորություն է, որ հաղորդումը գովազդների մասին է, որոնք ընդմիջվում են մի քանի րոպե աստղային թեժ քննարկումներով և քննադատություններով, ինչը ձանձրալի է:
Լավ աշխատանքն, իսկապես, լավ է, բայց «ագահությունը» ինչպես միշտ ամեն բան փչացնում է:
