Երգիչ, դերասան Գոշը Ամալյա Հովհաննիսյանի Liferoom հաղորդման հյուրն է եղել: Գոշը հաղորդման շրջանակներում անդրադարձել է իր և Իննա Խոջամիրյանի սիրավեպի լուրերին:
Այն հարցին`արդյոք իրականում նրանց միջև եղել է սիրավեպ, Գոշը պատասխանել է, որ այն ինչն իր անձնականն է, չի ցանկանում հանրային դարձնել:
Ամալյայի այն դիտարկմանը, որ Գոշի և Իննայի համատեղ տեսանյութերն ավելի էին թեժացնում խոսակցությունները, Գոշը նշեց, որ անգամ եթե իր անունը կապեն համաշխարհային աստղերից մեկի անվան հետ, միևնույն է` ինքը դեմ է իր անձնականի մասին խոսելուն:
Նշենք, որ վերջերս Իննան մեկնել էր Իտալիա, որտեղ նշում էր տարեդարձը: Մեր ունեցած տեղեկությունների համաձայն` նրա հետ էր նաև Գոշը:
Հիշեցնենք, որ արդեն տեւական ժամանակ է, ինչ համացանցում քննարկվում է, որ Իննա Խոջամիրյանը եւ Գոշ Հակոբյանը սիրավեպ ունեն: Ավելին՝ վերջերս նրանք մասնակցում էին պրոդյուսեր Հարություն Մովսիսյանի հարսանիքին, որի ժամանակ համացանցում հայտնվել էր նրանց մտերմիկ լուսանկարը: Նկատելի էր նաեւ, որ նրանք նույն գույներն էին նախընտրել հագուստի մեջ:
