2022 թվականին իսկապես շատ ու շատ ընտանիքներում առաջին անգամ լսվեց մանկան ճիչը, որոշներում էլ կրկին անգամ:
Starnews.am-ը ներկայացնում է 2022 թվականին մայրացած հայ հայտնիներին:
Երգչուհի Սիրուշոն այս տարի 3-րդ անգամ մայրացավ: Ծնվեց երգչուհու առաջնեկը, ում անվանակոչեցին 2 տատիկների անունից ստացված գեղեցիկ անունով`Զաբել:
Ի տարբերություն նախորդ երեխաների`Զաբելի դեպքում Սիրուշոյի դիրքորոշումն այլ էր: Նա բավականին շատ հրապարակումներ էր անում դստեր մասնակցությամբ:
Այս տարվա ամռանը նաև լույս աշխարհ եկավ երգչուհի Վարդուհի Վարդանյանի հարսը`Մերին, ով ևս բավականին ակտիվ է և մեծ հետևորդների քանակ ունի:Ծնվեց նրա դուստրն, ում անվանակոչեցին ի պատիվ տատիկի: Ի դեպ`փոքրիկ Վարդուհին իսկապես նման է տատիկին:
Ներկայումս ամերիկաբնակ երգչուհի Լենա Ղազարյանը այս տարի ևս մայրիկ դարձավ: Ծնվեց նրա դուստրը, ում ծնողներն անվանակոչեցին Նելլի: Սկզբնական շրջանում Լենան թաքցնում էր փոքրիկի դեմքը, սակայն վերջերս հրապարակեց նրա լուսանկարը: Փոքրիկն իսկապես շատ նման է հայրիկին:
Այս տարվա սեպտեմբերը նաև հրաշքով լի ամիս էր երգչուհի Սիլվա Հակոբյանի համար: Թեև Հայաստանում այդ օրերին ծանր շրջան էր, սակայն երգչուհին փորձեց կիսվել իր լուրով`այդպիսով ներկայացնելով իր հոգու երջանկությունը: Սիլվան սեպտեմբերի 17-ին հանդիպել էր իր երկրորդ դստերը`Սարային: Նշենք, որ Սիլվայի առաջնեկը`Միլան 3 տարեկան է:
Նոյեմբերի 21-ը երգչուհիներ Մաշ Իսրայելյանի ու Սոնա Ռուբենյանի համար անսահման կարևոր օր է: Այդ օրը 2 երգչուհիներն էլ մայրացան, երկուսն էլ դուստր ունեցան:
Եվ´ Մաշը, և´ Սոնան հրապարակում էին դուստրերի նկարները` թաքցնելով նրանց դեմքը: Նշենք, որ շուտով 2 փոքրիկներն էլ կդառնան 40 օրական:
Դե իսկ տարեվերջին ծնվեց ամերիկաբնակ դերասանուհի, երգչուհի Քրիստինա Եղոյանի 2-րդ դուստրը: Դստերը ծնողները անվանել են Լյուսի:Քրիստինան հիվանդանոցից լուսանկար է հրապարակել և հայտնել հրաշալի լուրի մասին:Ավելի ուշ Քրիստինան հրապարակել էր շքեղ դուրսգրումը: Նշենք, որ Քրիստինայի առաջնեկը 1 տարեկան է:
