Պայթյունից վիրավորում ստացածները ցավից բղավում են, բայց օգնող չկա։ Այս մասին NEWS.am-ի հետ զրույցում ասել է Ստեփանակերտի հարակից տարածքում՝ բենզինի պահեստում տեղի ունեցած ուժեղ պայթյունից վիրավորում ստացած Արմեն Բեգլարյանի հարազատը։
«Հարազատներս այնտեղ են եղել, վիրավոր վիճակում են : Մարդկանց այրվածքներն այնքան խորն են, որ մինչև ոսկորներն են հասել։ Մարդիկ ցավից բղավում են, բայց օգնող չկա, գոնե Կարմիր խաչը Հայաստան հասցնի այդ մարդկանց»,- պատմել է նա։
Տուժածի հարազատը պատմեց, որ իրենք գնացել էին բենզին վերցնելու, որպեսզի գան Հայաստան։
