Սիրուշոն ինստագրամյան հարց ու պատասխանի ժամանակ հնչեցրած հարցերից մեկին, որը վերաբերում էր վերջինիս դայակ ունենալուն պատասխանել է, որ վերջին տարիների ընթացքում ունեցել է դայակ, ով եկել է տուն երեխաների դպրոցից վերադառնալուց հետո, որպեսզի օգներ նրանց։
Այսօր մենք պետք է փոխենք մեր երեխաների դայակի ժամերը, քանի որ մենք ունենք Զաբելլին։ Ես դայակ չունեի Զաբելլի առաջին երկու ամիսներին և առաջին 8 ամիսներին, երբ Ռոբն էր ծնվել, քանի որ դա այն շրջանն է, երբ սիրում եմ ես ինքս զբաղվել երեխաների հետ կապված ամեն ինչով։Իմ ամուսինը շատ ներառվող հայր է, և տատիկ-պապիկները նույնպես շատ են օգնում մեզ։
Ավելի վաղ ներկայացրել էինք, որ Սիրուշոն լուսանկարներ է հրապարակել, որոնցում ցույց է տվել, թե ինչպես է Զաբելն օրհնություն ստանում եկեղեցում։
«Սա մեկ ամիս առաջ էր, Զաբելի 40րդ օրն էր, ու այն մեզ համար շատ խորհրդանշական էր…
Արարողությունն իր աղոթքով օրհնեց Արցախի Թեմի երկար տարիների առաջնորդ, Արցախի հերոս, հաղթանակի խորհրդանիշ Պարգև սրբազանը…»,-կադրերին կից գրել է երգչուհին։
Հավելենք, որ վերջերս Սիրուշոն դստեր մասնակցությամբ առաջին տեսանյութն էր հրապարակել: Դրան կից գրել էր. «06․24․2022 Զաբել»։
Starnews-ն ավելի վաղ տեղեկացրել էր, որ Սիրուշոյի և Լևոն Քոչարյանի դուստրը լույս աշխարհ է եկել ԱՄՆ-ում։ Երգչուհին հայտնել էր, որ դստերը տվել են Զաբել անունը՝ ի պատիվ երկու տատիկների:
Հիշեցնենք, որ նախքան ծննդաբերելը Սիրուշոն տեսանյութ էր հրապարակել, որում ցուցադրել էի իր փորը՝ այդ ձևով հերքելով այն բոլոր խոսակցությունները, որոնց համաձայն՝ իր երեխաներին ունենում է մեկ ուրիշ կին: Նա հրապարակած տեսանյութին կից գրել էր հետևյալը.
«Արդեն երրորդ անգամ եմ լսում իմ մասին ամենամեծ անհեթեթություններից մեկը, որ երեխաներիս իրականում ինքս չեմ ունենում, իմ փոխարեն ուրիշն է դա անում: Առաջին երկու անգամը լուրջ չընդունեցի ու մտածեցի, եթե ուշադրություն չդարձնեմ, անիմաստ խոսակցությունը կմարի: Նաև փորձեցի այս անգամ ավելի շատ կիսվել այս շրջանի տեսանյութերով, բայց, փաստորեն, թեման դեռ կա, ընդ որում պատճառաբանությունն էլ այն է, որ նախընտրել եմ խնայել կազմվածքս:
Շատ ուրախ եմ, որ փոխնակ մայրերի հնարավորություն է ստեղծել բժշկությունը բոլոր կանանց համար, ովքեր խնդիր ունեն, բայց ինձ մոտ նման միտք երբեք չի եղել ու դրա կարիքն էլ չի եղել:Որքան էլ սովոր եմ, որ իմ տարբեր «ձեռքբերումներ» վերագրվում են բոլորին բացի ինձնից, այս մեկը, գոնե, թող մնա ինձ:)) Ոչ կազմվածքիս մասին եմ մտածել, ոչ ժամանակիս, ոչ էլ աշխատանքիս: Արդեն երրորդ անգամ գնացել եմ այս քայլին` գիտակցելով բոլոր դժվարությունները ու շնորհակալ եմ եղել, որ բնությունն ինձ նման հնարավորություն է տվել ու դա համարել եմ իմ առաքելությունը»,-գրել էր երգչուհին։
