Starnews-ը երեկ տեղեկացրել էր, որ դերասանուհի Մարջան Ավետիսյանն իր ներկայացուցիչ փաստաբանին մեղադրում է իր գումարները յուրացնելու մեջ։
Այս գործով Մարջան Ավետիսյանի փաստաբան Ռոբերտ Հայրապետյանը մանրամասներ է հայտնել, որը ներկայացնում ենք:
«Պարզվում է՝ սահմանադրական փոփոխությունների «մասնագիտական» հանձնաժողովի անդամ, Սպարապետի ոչ բարով եղբոր` նիկոլիզմի դուստր ձեռնարկություն հանդիսացող կուսակցության անդամ, և փաստաբանի արտոնագիր ունեցող ոմն Մասիս Մելքոնյան անբարեխիղճ վերաբերմունք է դրսևորել դերասանուհի Մարջան Ավետիսյանի նկատմամբ, առերևույթ յուրացնելով նաև վերջինիս միջոցները:
Սրանք իհարկե տվյալներ են, որոնք համակողմանի ու լրիվ կպարզի նախաքննությն մարմինը (հույս ունեմ իհարկե):
Սակայն կան նաև արդեն իսկ ապացուցված հանգամանքներ, որոնք պետք է քննության առարկա դառնան համապատասխան մարմինների կողմից և Մասիս Մելքոնյանի համար առաջացնեն ոչ բարենպաստ իրավական հետևանքներ:
Օրինակ.
Մասիս Մելքոնյանը իբրև ստանձնելով Մարջան Ավետիսյանի պաշտպանությունը առաջ է քաշել փաստաբանի ծառայությունների վճարի հարց, այն դեպքում երբ ՀՀ փաստաբանների պալատի ընդհանուր ժողովի 19.10.2019 թվականի թիվ 1-Լ որոշմամբ հաստատված Փաստաբանի վարքագծի կանոնագրքի 3.1.3-րդ կետի համաձայն` գործն ընդունելուց հետո, եթե այն կատարվելու է վճարովի հիմունքներով, ապա իրավական օգնություն ցույց տալու պայմանագիրը պետք է կնքվի հասարակգրավոր ձեւով փաստաբանական գրասենյակի կողմից:
Նշված պայմանագիրը պետք է կնքվի ողջամիտ ժամկետում (հանձնարարությունը փաստացի ստանձնելու պահից երկու ամսվա ընթացքում), եթե գործի որոշ հանգամանքներ կամ ծառայության ծավալը ճշտելու անհրաժեշտություն կա:
Ըստ որում` վճարովի հիմունքներով փաստաբանական ծառայություն մատուցելու վերաբերյալ պայմանագրում պետք է նախատեսվի`
– հոնորարի չափը եւ վճարման կարգը.
– հանձնարարության բնույթը եւ ծավալը (ատյանը, փուլը եւ այլն) կամ այն որոշելու չափորոշիչները:
Մասիս Մելքոնյանը այսպես կոչված պաշտպանությունը ստանձնել է 27.07.2022 թվականին և մինչև օրս չկա կնքված որևէ պայմանագիր:
Հաշվի առնելով «Փաստաբանության մասին» ՀՀ օրենքի 39.1-րդ հոդվածի 1-ին մասի 2-րդ կետը` դիմում եմ ՀՀ ՓՊ խորհրդին սույն հարցը քննության առարկա դարձնելու համար»:
Նշենք, որ երեկ էլ կողմերը վիճում էին ֆեյսբուքյան հարթակում:
<<Ի գիտություն փաստաբան Մասիս Մելքոնյանի հաղորդում եմ ներկայացրել գլխավոր դատախազություն իր կողմից իմ գումարը յուրացնելու մասին>>։
Մասիս Մելքոնյանն էլ իր հերթին հետևյալ պատասխանն է տվել դերասանուհուն․
<<Դուք պատասխան կտաք ակնհայտ սուտ մատնություն կատարելու համար>>։
Դերասանուհին կրկին հակադարձել է փաստաբանին՝ ասելով, որ նա պատասխան է տալու իր գումարը խարդախությամբ յուրացնելու համար։
Նշենք, որ Մարջան Ավետիսյանը խոստացել է ավելի ուշ ներկայանալ առավել մանրամասն տեղեկությամբ։
