Հունվարի 7-ին երգչուհի Սիրուշոյի
ծննդյան տարեդարձն է: Երգչուհին նշում է իր 36-ամյակը: Երգչուհու հրապարակումներից պարզ դարձավ, որ նա ծննդյան տարեդարձը դիմավորել է Արաբական Միացյալ Էմիրություններում:
Նա իր ինստագրամյան սթորի բաժնում լուսանկար է հրապարակել Էմիրություններից և կից գրել․
«Վերջին տարիներին այստեղ հիմնականում աշխատանքով եմ եղել և ամբողջովին այլ կողմից ճանաչել Էմիրությունները», — գրել է Սիրուշոն։
Հավելենք, որ սիրված երգչուհուն բազմաթիվ շնորհավորանքներ են հղել:
Նշենք, որ Սիրուշոն օրեր առաջ իր միկրոբլոգում դստեր մասնակցությամբ տեսանյութ էր հրապարակել, որտեղ երևում էր` ինչպես են մայր և դուստր ժամանակ անցկացնում միասին:
Տեսանյութում լսվում է Սիրուշոյի փոքրիկի ուրախ ծիծաղը:
«Միայն դրական լիցքեր»,- տեսանյութին կից գրել էր երգչուհին:
Նշենք, որ Սիրուշոյի դուստրը` Զաբելը 6 ամսական է:
Հավելենք, որ Սիրուշոն դստեր ծննդից օրեր անց արդեն իսկ զբաղվում էր իր բուռն գործունեությամբ և խոստովանում, որ դժվար է անքուն գիշերներ ապրել և միաժամանակ աշխատել:
Երգչուհին հրապարակում էր լուսանկարներ, որտեղ երևում էր, որ նա չափազանց հոգնած է և ամեն հնարավոր վայրում քնում է:
