Արդեն տեղեկացրել ենք, որ ժամեր առաջ ծնվել է շոումեն, հանդիսավար Արամ Մելիքյանի 4-րդ երեխան։ Արամն ու կինը՝ Լիլիթը որդուն տվել են Տիգրան անունը։
Գաղտնիք չէ, որ Մելիքյանների ընտանիքը շատ ակտիվ է իր ինստագրամյան էջում և ողջ օրը՝ օնլայն ռեժիմով, նրանք պատմել ու ներկայացրել են, թե ինչ է կատարվում հիվանդանոցում։
Նախ նրանք հրապարակել էին հոլովակ հիվանդանոց գնալու ճանապարհից, որտեղ երևում էր՝ ինչպես է լաց լինում Արամի կինը։
Հետո արդեն հուզված էր ողջ ընտանիքը։
Որդու ծննդի պահին հանդիսավարը վիրահատարանում էր և երեխայի առաջին ճիչը լսելով` նա չկարողացավ զսպել արցունքները, ապա նաև երեխաները հերթով առաջին անգամ տեսան իրենց եղբորն ու հուզմունքով փորձում էին հասկանալ՝ ում է նման։
Իսկ ահա Արամի մայրը միայն մի բան ասաց`
«Ապրի Լիլոս»։
StarNews-ը ևս մեկ անգամ շնորհավորում է ընտանիքին և ներկայացնում բացառիկ ու հուզիչ կադրեր։