Սոցիալական ցանցերից օգտվող շատ քիչ օգտատերեր կան, որոնք չեն տեսել այն տեսանյութը, որտեղ փոքրիկը՝ ծննդյան տոնի կապակցությամբ, երգ է նվիրում հայրիկին: Չկա մեկ էջ սոցիալական հարթակներում, որտեղ տեղադրված լինի այդ տեսանյութը ու այսպես ասած REC-ում հայտնված չլինի:
Եթե դուք դեռ չեք լսել այդ երգը կամ տեսել տեսանյութը, այժմ տեղադրենք, որպեսզի դուք չմնաք փոքրամասնության շարքերում:
@armbombmusiq Պապ ջան 😭😭😭 #Jorashahinyan #papjan
StarNews.am-ը հետաքննություն անցկացրեց՝ հասկանալու համար, թե ո՞վ է այդ բալիկը, և ի՞նչ երգ է կատարում:
Մեր տեղեկություններով՝ համացանցում մեծ աղմուկ հանած տեսանյութի բալիկը ռուսաստաբնակ, սիրված երգիչ Ժորա Շահինյանի որդին է, ով կատարում է «Պապ ջան» երգը` նվիրելով այն հայրիկին:
StarNews.am-ը կապ հաստատեց երգչի հետ, որպեսզի հասկանա, թե ինչպես եղավ, որ այդ տեսանյութը հասանելի դարձավ համացանցում ու արդեն ամիսներ շարունակ հայտնվում է սոցիալական հարթակի բոլոր թոփերում:
Երգիչը, մեզ հետ զրույցում նշեց, որ տեսանյութը իր ծննդյան արարողությունից է, որի ժամանակ որդին երգը նվիրեց իրեն:
«Ճիշտն ասած, ինքս էլ չհասկացա, թե ինչպես տեսանյութը առաջին անգամ հայտնվեց համացանցում, բայց ինչպես ասում են «դժվարը առաջինն է» ու այդ պահից սկսած իր երգը շատ հայտնի է ու լսված»:
Ժորա ջան, ինչպե˚ս կգնահատեք Ձեր երեխայի հայտնության աստիճանը, արդյո՞ք Դուք նրա ապագան այդպես էլ պատկերացնում էիք:
Ճիշտն ասած, մինչ այդ տեսանյութի տարածումը մենք կոնկրետ որոշում չունեինք, որ ինքը պետք է իմ ճանապարհով առաջ շարժվի, իհարկե, քայլեր անում էր, բայց վերջնական որոշում չունեինք: Այս տեսանյութի տարածումից հետո կարելի է ասել, որ նա հնարավորություն կստանա իր ուժերը փորձել երգարվեստում միայն այն պայմանով, եթե ինքն անձամբ դա ցանկանա:
Ձեր երգերից շատերը տարբեր տեսանյութերով տարածվում են սոցիալական հարթակներում, ու շատ դեպքեր են լինում, որ ունկնդրին հայտնի չէ, թե ով է երգի կատարողը: Դա Ձեզ ինչ որ կերպ խանգարու՞մ է, դա ինչ որ կերպ Ձեզ վատ դրության մեջ գցու՞մ է:
Եթե անկեղծ լինեմ, ես էլ եմ բազմաթիվ անգամներ նկատել, որ իմ երգերը տարածվում են` առանց իմ պաշտոնական տեսանյութերի: Խանգարելու մասով որևէ մեկնաբանություն չեմ կարող տալ, բայց մի բան փաստ է՝ ես աշխատում եմ իմ հանդիսատեսի համար, ես ամեն ինչ անում եմ, որ իմ երգերը դառնան հանրության սեփականությունը ու այս տեսանկյունից կարող եմ ասել, որ իմ աշխատանքը արդյունք տվել է: Ես էլ թող լինեմ այն երգիչը, ում ճանաչեն իր երգերով ու ինչպես Դուք հարցազրույցի սկզբում նշեցիք՝ իմ որդու կատարումներով:
Անդրադառնալով Ձեր առաջիկա պլաններին` ինչ նոր գործեր եք նախատեսում, ինչպիսի նոր երգեր սպասի Ձեզնից հանդիսատեսը:
«Դու էկել, էկել», «Իմ Սեր», «Հավատա», «հայերիս» կամ էլ «էս աղջիկը» երգերը քանի շարունակում են շատ դիտումներ ու տարածումներ ունենալ, ես կարող եմ փաստել, որ այս պահին`որպես երգիչ և արվեստագետ, ճիշտ ճանապարհի վրա եմ ու կարծում եմ ճանապարհից չեմ շեղվի ու ամեն ինչ կանեմ, որ իմ նոր աշխատանքները, որոնք շուտով կներկայացնեմ հանդիսատեսիս, նույնպես այդքան կսիրվեն:
StarNews.am-ը ներկայացնում է ժորա Շահինյանի սիրված երգերից մի քանիսը։
