Ինչպես արդեն հայտնել էինք, ամերիկաբնակ երգչուհի Արմինկան գրեթե ողջ ամռան ընթացքում քրոջ՝ Լուսինեի և որդու՝ Ալեքսի հետ միասին բացահայտում էր Եվրոպան։ Երգչուհին պարբերաբար կիսվում էր նոր կադրերով՝ ցույց տալով համփորդությունների հետաքրքիր ընթացքը։
Երգչուհու հերթական կանգառը եղել է Հունաստանը՝ Կրետե կղզին, որտեղ էլ մասնակցել է ընկերների դստեր հարսանեկան արարողությանը։ Երգչուհին ցույց էր տվել, թե ինչպես է նախապատրաստվում կարևոր օրվան, ապա կադրեր էր հրապարակել պսակադրության արարողությունից ու երեկույթից։
Ի դեպ՝ երգչուհին օրվա համար ընտրել էր ճերմակ զգեստ, ավելի ուշ պարզաբանելով, որ այն կրել է միայն եկեղեցում։
