StarNews-ը առանձնացրել և ներկայացնում է շոուբիզնեսյան օրվա ամենահետաքրքիր և ուշագրավ իրադարձությունները։
Դերասանուհի Իրինա Այվազյանը մանավանդ վերջին շրջանում բավականին հաճախ է հետևորդներին իր առօրյայից հոլովակներ ցույց տալիս։ Հերթական անգամ դերասանուհին նմանատիպ տեսանյութ էր հրապարակել։
Մագա Հարությունյանն էլ հայտնել էր, որ Սպիտակ քաղաքի օրվա առթիվ ուղևորվում է այնտեղ, ինչպես նաև՝ ջերմ շնորհավորանք էր հղել սպիտակցիներին։
Քրիստինա Հովհաննիսյանն էլ խոսել էր իր ծանրաբեռնված գրաֆիկի մասին՝ նշելով, որ, չնայած դրան, հասցնում է հրապարակումներ ներկայացնել հետևորդներին։
Արդեն հայտնել էինք, որ դերասանուհի Մերի Մակարյանը ընտանիքի հետ միասին գտնվում է Հայաստանում։ Այս անգամ էլ դերասանուհին դստեր՝ Էլիզայի հետ միասին այցելել էր Երևանի մետրո, որտեղ, ինչպես հայտնի է, հնչում է հենց Մերիի ձայնը։
Մահացել է դերասանուհի Շենեն Դոհերթին՝ հայտնի «Բևերլի Հիլզ», «90210» և «Հմայվածները» հեռուստասերիալների աստղը։ Նա 53 տարեկան էր և վերջին 9 տարիների ընթացքում պայքարում էր կրծքագեղձի քաղցկեղի դեմ։ Դոհերթիի մոտ առաջին անգամ կրծքագեղձի քաղցկեղ ախտորոշվել է 2015 թվականին: 2020 թվականին Դոհերթին հայտարարել է, որ քաղցկեղը վերադարձել է, տարածվել և գտնվում է չորրորդ փուլում։ 2023 թվականի հունիսին նա անկեղծացել է, որ իր քաղցկեղը տարածվել է իր ուղեղում:
