StarNews-ը առանձնացրել և ներկայացնում է շոուբիզնեսյան օրվա ամենահետաքրքիր և ուշագրավ իրադարձությունները։
Մահացել է Հայաստանի նկարիչների միության անդամ, նկարիչ Յուրա Հարությունյանը:
Յուրա Հարությունյանի նկարներից գտնվում են Հայաստանի ազգային պատկերասրահում, ԱՄՆ-ի, Ավստրիայի, Կանադայի, Ֆրանսիայի, Անգլիայի, Գերմանիայի, Ճապոնիայի և Իրանի հավաքածուներում։
Նա ստեղծագործել է աբստրակտ ոճում։
«Նոր Ալիք 2024» միջազգային երգի մրցույթում հաղթող է ճանաչվել Հայաստանը ներկայացնող Անահիտ Հակոբյանը:
«Ինստագրամ»-ի իր էջում երգչուհին հաղթանակից րոպեներ անց հրապարակում է արել.
«Մի հանձնվեք, միշտ հավատացեք Ձեր երազանքներին ու քրտնաջան աշխատեք և վերջ: Շնորհակալ եմ Տեր: Պապ ջան, սա դեռ սկիզբն է, անվերջ հպարտանալու առիթներ ես ունենալու»,- իր խոսքում նշել է երգչուհին:
Երգչուհի Սիլվա Հակոբյանն էլ նոր հոլովակ էր հրապարակել կրտսեր դստեր՝ Սառայի հետ համատեղ՝ բարի օր մաղթելով հետևորդներին։
Հումորիստ Պոնչն էլ հերթական անգամ հարցուպատասխան էր կազմակերպել ինստագրամյան իր էջի հետևորդների հետ՝ խոսելով նաև Արցախի բարբառով։
