ԱՄՆ–ում Մայրերի օրը նշվելու է մայիսի 12-ին: Այս առիթով ԱՄՆ-ում բնակություն հաստատած երգչուհի Էմմին որդիների հետ համատեղ ֆոտոշարք է իրականացրել`գրելով հետևյալը.
«Մայրերի օրը մոտենում է, և այն նշելու ավելի լավ միջոց չկա, քան միասին երջանիկ պահեր ֆիքսելը»:
Լուսանկարներից անսահման սեր է հորդում…
Նշենք, որ երգչուհին հաճախ է ներկայացնում իրենց անցկացրած օրերը, միջոցառումները, որոնց մասնակցում են և որդիների մասին պատմող սթորիներ տարածում:
Հավելենք, որ օրեր առաջ երգչուհու ծննդյան տարեդարձն էր: Նա դարձել է 40 տարեկան: Այս առիթով երգչուհին որդիների հետ հրապարակում էր արել`խոստովանելով, որ իրական հրաշքը նրանում է, ինչ դու ես ստեղծում:Էմմին շնորհակալություն է հայտնել այն կյանքի համար, որը կարողացել է ստեղծել:
Երգչուհին հրապարակման ավարտին նշել էր ծնողների անուններն ու «խմել» նրանց կենացը:
Նշենք, որ կար ժամանակ, երբ Էմմիի անձնականը հայտնի չէր հանրությանը:Միայն 2015 թվականին հայտնի դարձավ, որ երգչուհին ամուսնացել է: Այս մասին նա գրառում կատարեց`նշելով հետևյալը.
«Երկար եմ սպասել, որպեսզի կիսվեմ կյանքիս ամենակարևոր լուրով: Հասունացել է պահն ուրախ լուրը պատմել նաև իմ սիրելի լսարանին ու մարդկանց, ովքեր հետաքրքրված են իմ կյանքով: Ամիսներ առաջ օրինականացրեցի հարաբերություններս սիրելիիս հետ: Անչափ երջանիկ եմ սիրելի ամուսնուս կողքին: Նա հանրային մարդ չէ, և սովոր չէ լրատվամիջոցների, լսարանի ուշադրությանը: Հուսով եմ` կհարգեք անձնական կյանքի մեր գաղտնիության իրավունքը»:
