Մենչի դստեր շքեղ նշանադրության, Գայանե Ասլամազյանի և Անժելա Սարգսյանի հաշտվելու մանրամասների, Մարիամ Ալեքսանյանի ընտանեկան ողբերգության, Լիլուի սկեսուրի՝ իրեն դեմ լինելու, Սամվել Ալեքսանյանի նոր փեսայի. շաբաթվա աստղային ամփոփումը (տեսանյութ)

  • Apr 09, 2022

Starnews-ը, ինչպես միշտ, ամփոփում է շաբաթը:

Շաբաթը մեկնարկել էր տխուր լուրով:

Մահացել էր դերասանուհի Մարիամ Ալեքսանյանի հայրը:

Դերասանուհին հոր մահից հետո հուզիչ լուսանկար էր հրապարակել:

Դրան կից նա գրել էր. «Պապաս»:

Նա նաև ինստագրամյան սթորիում հրապարակել էր իր և հոր պարը:

«Կարոտս, քո ուժեղ գրկում»,-դրան կից գրել էր նա:

Դերասանուհին  նաև ինստագրամյան իր էջի սթորի հատվածում հոր հետ լուսանկար էր հրապարակել, որում երևում էր, որ դերասանուհու հայրիկի ձեռքին դաջված էր դստեր անունը:

«Պա…»,-լուսանկարին կից գրել էր Մարիամը:

Թե որն է եղել դերասանուհու հոր մահվան պատճառը առայժմ հայտնի չէ:

Starnews-ը Անժելա Սարգսյանին եւ Գայանե Ասլամազյանին անդրադառնալու բազմաթիվ առիթներ է ունեցել:

Նորություն չենք ասի, որ դերասանուհիներն Անժելայի հետ կատարված սկանդալային պատմությունից հետո չէին խոսում:

Գայանեն նախկինում բավական կտրուկ էր արտահայտվում Անժելայի մասին:

Անժելան հիմնականում նախընտրում էր ոչինչ չմեկնաբանել:

Նշենք, որ երբ Գայանեի նախկին ամուսինը կալանավորվել էր, ինչին էլ հաջորդել էին հենց Գայանեի  անվան շուրջ  հյուսվող  տարատեսակ բամբասանքները, համացանցային օգտատերերից շատերը գրում էին, որ բումերանգի օրենքն է գործում:

Ներկայումս երկու դերասանուհիներն էլ ապրում են ԱՄՆ-ում:

Օրերս այնտեղ կայացել էր «Գարուն ա» ֆիլմի պրեմիերան:

Գայանեն վարում էր միջոցառումը, իսկ Անժելան ներկա էր որպես հյուր:

Ուշագրավն այն է, որ Անժելան Գայանեի մասնակցությամբ հումորային տեսանյութ է հրապարակել՝ այս ձեւով ակնարկելով, որ նախկին տարաձայնություններն անցյալում են:

 

Посмотреть эту публикацию в Instagram

 

Публикация от Angela Sargsyan (@angelasargsyanofficial)

«Չէիք սպասո՞ւմ: Կյանքը կարճ է, պարզապես վայելեք այն առանց վիրավորանքի և ցավի»,-տեսանյութին կից գրել էր Անժելան:

Այս շաբաթ երգչուհի Լիլուն Մհեր Բաղդասարյանի «Տետ ա տետ» հաղորդման հյուրն էր:  Նա հաղորդման շրջանակներում պատմել է այն մասին, որ ամուսնուն հանդիպել էր Երևանում՝ 15-16 տարի առաջ:

Ըստ նրա՝ այդ շրջանում ինքը երգում էր ակումբում, իսկ ամուսինն աշխատում էր անվտանգությունում:

Լիլուի խոսքով՝ իրենց մեջ սիրավեպ էր սկսել, որը հետագայում ավարտվել էր:

Տարիներ անց հանդիպել էին ԱՄՆ-ում: Երգչուհին խոստովանել է, որ ամուսնու մայրը դեմ էր իրեն, սակայն նրա համար առաջին հերթին կարևոր էր որդու երջանկությունը:

Լիլուն անկեղծացել է՝ նշելով, որ սկզբնական փուլում  Արկադիի հոր հետ իր հարաբերություններն ավելի մտերմիկ էին. նրան հենց սկզբից կարողացել է հայր անվանել:

Ըստ երգչուհու՝ Արկադիի հոր  մեջ իր հորն է տեսել: Լիլուն նաև վստահեցնում է, որ ներկայումս ինքը հրաշալի հարաբերություններ ունի բոլորի հետ, նման ընտանիք հարս գնալու մասին ինքը նույնիսկ չէր կարող երազել:

Հավելենք, որ նախքան Արկադիին հանդիպելը Լիլուն որդի ուներ, Արկադին էլ ամուսնալուծված էր:

Starnews-ն արդեն տեղեկացրել է, որ  ապրիլի 3-ին  տեղի է ունեցել գործարար Սամվել Ալեքսանյանի դստեր նշանադրությունը:

Վերջինիս ընտրյալը նրա համար ամուսնության անակնկալ առաջարկություն էր կազմակերպել:

Լուսինը, իհարկե, դրական պատասխան էր տվել:

Starnewsին հայտնի է դարձել, թե ով է Սամվել Ալեքսանյանի փեսան: Նա Արմեն Աղաբաբյանն է: Վերջինս Մովսես Խորենացու անվան համալսարանի ռեկտոր, ֆիզ. մաթ. գիտությունների թեկնածու, դոցենտ Արթուր Աղաբաբյանի որդին է, բացի այդ ընտանիքը, մասնավորապես՝ Ալեքսանյանի փեսան, ծաղկի բիզնեսով է զբաղվում։

Արմենին է պատկանում Երևանում մեծ ճանաչում ունեցող ծաղկի խանութներից մեկը:

Ըստ մեր տեղեկությունների՝ Արմենը Հյուսիսային պողոտայում շքեղ բնակարան ունի:

Այս շաբաթ նշանադրվել է Արմեն Պետրոսյանի՝ Մենչի դուստրը՝ Էլինան:

Դիզայներ Էլինան արդեն երկար ժամանակ է, ինչ սիրելի ունի:

Մենչը հրապարակումներ էր արել դստեր նշանադրությունից:

«Շնորհավոր, իմ աղջիկ: Ես երջանիկ եմ, երբ քեզ տեսնում եմ վառվող աչքերով: Սիրում եմ քեզ շա՜տ»,- հրապարակված կադրերին կից գրել էր Մենչը։

Նշենք, որ Էլինայի սիրելին նույնպես բնակվում է ԱՄՆ-ում:

Ի դեպ, երգիչ Սարգիս Եղիազարյանը երեկոյի ընթացքում Էլինային նվիրված երգ էր կատարել:

Հավելենք, որ երեկոյի ընթացքում ելույթ էր ունեցել նաև Քրիստինա Պեպելյանը:

Starnews-ը մաղթում է Ձեզ հիանալի հանգստյան օրեր և առաջարկում են գալիք շաբաթ հետևել աստղային նորություններին հենց մեր շնորհիվ:

 

 

 

 

 

Մեկնաբանություն

Որոնում