Ռոմելա Սարգսյանի կրքոտ համբույրի եւ ամուսնու արձագանքի, ամուսնալուծությունից հետո Գոհար Ավետիսյանի սիրահարվելու, Պոնչի եւ Տոմայի սիրավեպի հաստատման, Մարջան Ավետիսյանի հնչեցրած անեծքի մասին. շաբաթվա աստղային ամփոփումը (տեսանյութ)

  • Apr 16, 2022

Starnews-ը, ինչպես միշտ, ամփոփում է շաբաթը:

Օրերս դերասանուհի Ռոմելա ՍարգսյանըLook & Face հաղորդման հյուրն էր:

Նա խոսել էր իր մասնակցությամբ համբույրի տեսարանների մասին:

Ռոմելայի խոսքով՝ ցանկացած պրոֆեսիոնալ դերասան պետք է լուրջ մոտենա իր կատարածին:

Դերասանուհին անդրադարձել էր նաև ամուսնու դիրքորոշմանը տվյալ թեմայի վերաբերյալ:

Ըստ Ռոմելայի՝ ամուսինը գիտեր, թե ում հետ է ամուսնանում:

Ներկայումս Ռոմելան նկարահանվում է «Ամեն տարի գարնանը» սերիալում, որում առկա են համբույրի կրքոտ տեսարաններ Ռոմելայի և Գևորգ Գրիգորյանի միջև:

Համբույրի տեսարանը դիտել 21:15-ից:

Համբույրի տեսարանը դիտել 03:12-ից:

Հավելենք, որ դերասանուհին վերջերս է խոստովանել, որ ամուսնացած է:

Երկար ժամանակ Ռոմելան խուսափում էր տվյալ թեմայի մասին խոսելուց, ավելին՝ դերասանուհին միայն նշում էր, որ նշանադրված է:

Ռոմելան խոստովանել է, որ ամուսնացած է արդեն երկու տարի: Դերասանուհին պատմել է, որ իր ապագա ամուսնուն հանդիպել է ուսանողական տարիներին:

Չնայած դրան՝ Ռոմելան թաքցնում է ամուսնուն և չի խոստովանում, թե ով է նա:

Նշենք, որ Starnews-ի տեղեկություններով՝ Ռոմելայի ամուսինը դերասան Աշոտ Պողոսյանն է:

Այս շաբաթ դիմահարդար Գոհար Ավետիսյանը որոշել էր կրկին շահարկել իր անձնական կյանքը:

Նա իսնտագրամյան սթորիներ էր հրապարակել՝ նախ գրելով.

«Ողջույն, ընկերներ, ես, կարծես թե, սիրահարվել եմ»:

Գոհարը նաեւ ավելացրել էր, որ զիլ զգացմունք է ապրում, ապա  հավելել էր, որ անդարար մտածում է նրա մասին:

Ապա Գոհարը բացատրել էր, որ սիրահարվել  է իր նոր վերարկուին:

Հավելենք, որ դիմահարդարն ամիսներ առաջ  է հաստատել իր ամուսնալուծությունը:

Հիշեցնենք, որ ամուսնալուծությունից հետո Գոհարը վստահեցնում է, որ լավ հարաբերություններ ունի Սերգեյի եւ նրա ընտանիքի հետ:

Չնայած դրան՝ Գոհարը Սերգեյին նոր հնարավորություն չի ցանկանում տալ:

Ըստ Գոհարի՝ Սերգեյն անտարբեր էր նույնիսկ այն ժամանակ, երբ ինքը պատրաստվում էր բարդ վիրահատության:

Հավելենք նաեւ, որ Գոհարը ներկայումս հաճախ ցույց է տալիս իր շքեղ ծաղիկները՝ ակնարկելով, որ ինքը տղամարդկանց կողմից ուշադրության պակաս չի զգում:

Հումորիստ, դերասան Պոնչը, ում արդեն երկար ժամանակ է, ինչ սիրավեպ են վերագրում դերասանուհի Թամարա Պետրոսյանի հետ, այս շաբաթ իրենց համատեղ լուսանկարն էր հրապարակել:

Լուսանկարին կից նա գրել  էր հետևյալը.

«Կլորա կյանքը: Բռավո նրանց, ով հասկացավ, որ «կլոր» նկատի ունեմ ինձ: Տոմայի նման սիրուն ու պուպուշ շաբաթ եմ մաղթում բոլորիդ»:

Հավելենք, որ թեպետ Պոնչը և Թամարան չեն հաստատում իրենց սիրավեպը, սակայն գրեթե միշտ ներկայանում են միասին:

Հավելենք, որ ամիսներ առաջ Women՛s club-ի հերթական թողարկման ժամանակ Գոռ Բարսեղյանը հենց դահլիճից հարսնացու էր փնտրում:

Գոռի խոսքով՝ 34 տարեկանում հասկացել էր, որ ցանկանում է ամուսնանալ: Ըստ Գոռի՝ իրեն այդ առիթով հաճախ են հարցնում, թե ինչո՞ւ չի սիրահետում Women՛s club-ի աղջիկներից որևէ մեկին:

Գոռը հերթով թվարկել ակումբի աղջիկների անունները, ապա բեմ էր հրավիրել Տոմային, սակայն նրա փոխարեն դուրս էր եկել Պոնչը, ով ասել էր, որ տոլմա է լսել, սակայն, երբ հասկացել էր, որ Տոմայի մասին էր խոսքը,  զայրացած ասել էր հետևյալը. «Ի՞նչ ա եղել, արա»:

Գոռն էլ իր հերթին խորհրդավոր նայել էր դահլիճին՝ ակնարկելով, որ իրենք հասկացան Պոնչին:

Դերասանուհի Մարջան Ավետիսյանն էլ այս շաբաթ զայրացել էր:

Նա հրապարակել էր ՀՀ վարչապետ Նիկոլ Փաշինյանի` օրերս ԱԺ-ում ունեցած ելույթից մեկ հատված և մակագրել հետեւյալ ձեւով.

«Ազրահիլ, ուզում եմ սատկես շան պես»:

Հավելենք, որ Մարջան Ավետիսյանը երբեք էլ չի թաքցրել իր քաղաքական ընդդիմադիր հայացքները:

Նա հաճախ է կտրուկ քննադատությամբ հանդես եկել:

Մարջանը նաեւ նկարահանվել է «Իշխանություն» ֆիլմում, որի ռեժիսորն ընդդիմադիր հայացքներ ունեցող Մհեր Մկրտչյանն է:

Հիշեցնենք, որ ամուսնությունից հետո դերասանուհին ապրում է արտերկրում:

Starnews-ը մաղթում է Ձեզ հիանալի հանգստյան օրեր. առաջարկում ենք գալիք շաբաթ հետևել աստղային նորություններին հենց մեր շնորհիվ:

 

Մեկնաբանություն

Որոնում