Ուզում եմ չամուսնացած լինել․․․ Տեսեք՝ ինչ է պատահել Գարիկ Պապոյանի ընտանիքում, որ նրա կինը նման միտք է արտահայտել

  • Jun 30, 2022

Երաժիշտ, հումորիստ, դերասան Գարիկ Պապոյանի կինը՝ Մարիաննա Վարդանյանը, օրերս ինստագրամյան էջում անանուն հարց ու պատասխան էր անցկացրել։ Հետեւորդներն առանց իրենց անունը բացահայտելու նրան հարցեր հղելու հնարավորություն են ունեցել: Հետևորդները հետաքրքրվել էին՝ արդյո՞ք լինում են պահեր, երբ երեք երեխաների մայր Մարիաննան ցանկանում է լինել չամուսնացած․

«Այո, լինում են: Ինչպես նաև երեխա չունեցած Մարիաննա, բայց դա ակնթարթ է տևում, հետո ուզում եմ գրկել բոլորին ու ասել, որ առանց նրանց չեմ պատկերացնում իմ կյանքը»:

Հավելենք, որ հետևորդները նաև հետաքրքրվել՝ երբևէ խանդել է Գարիկին՝ Սոնայի հետ հարաբերությունների համար, ինչին նա պատասխանել է՝ ոչ:Օգտատերերը նաև հետաքրքրվել են, թե ե՞րբ են վիճել ամուսինները: «Չեմ հիշում վերջին անգամ երբ ենք վիճել: Նման հարցերը շատ-շատ են»,- պատասխանել է նա:

Հիշեցնենք, որ Մարիաննան բավական ակտիվ է համացանցում։ Նա  հաճախ բուսակերության վերաբերյալ հրապարակումներ է անում։ Մարիաննան ու Գարիկը 3 դուստր ունեն՝ Ամելին, Ադանեն և Ագաթան: Փոքրիկ Ագաթան լույս աշխարհ է նախորդ տարի: Նշենք, որ Գարիկը և Մարիաննան ամուսնացած են արդեն 10 տարի։

Հավելենք, որ վերջերս Մարիաննան անկեղծ խոստովանություն էր արել.

«Ես անկեղծ ահավոր երջանիկ եմ 3 աղջիկների մամա լինելու համար։ Գժվում եմ աղջիկներիս համար և զարմանում եմ կարծրատիպային մտածելակերպով մարդկանց վրա և սեռով պայմանավորված աբորտների մասին ունեմ հետևյալ կարծիքը՝ դա մարդասպանություն է, քանի որ հղիության 4-րդ ամսում է սեռը պարզ լինում, իսկ այդ ժամկետում պտուղը լիարժեք ձևավորված է լինում։

Ես այն մարդն եմ, ով շարունակ լսում է՝
-«Ոչինչ հաջորդը տղա կլինի»
-«4-րդն էլ ես ունենալու՞»
-«Ազգի շարունակություն ա պետք»
-«Ոչինչ, կարևորը առողջ բալիկներ լինեն»
«Ոչինչ», համոզված եմ՝ մեր հասարակության մեջ կնոջ դերը բարձրանալու է․ կինը կյանք է, գեղեցկություն, մայրություն, սեր, կիրք։ Գնահատենք, սիրենք ու սիրվենք»։

Մեկնաբանություն

Որոնում