Սոֆի Դևոյանը բաժանվել է սիրելիից․ նա առաջին անգամ խոսել է այդ մասին (լուսանկար, տեսանյութ)

  • Aug 24, 2022

Սոֆի Դևոյան կրտսերը հայկական շոու բիզնեսի այն հայտնիներից է, ով բավական ակտիվ է սոցհարթակներում: Նա գրեթե ամեն օր մանրամասներ է ներկայացնում իր կյանքից:

Պարուհին ինստագրամյան story բաժնում հարց ու պատասխան էր կազմակերպել և հարցերից մեկին՝ զբաղված  է արդյոք իր սիրտը, պատասխանել է. «Ոչ, շաաատ ազատ է»։  Պատասխանից կարելի է ենթադրել, որ Սոֆին բաժանվել է սիրելիից։

Սոֆին նաև կտրուկ պատասխան է տվել իր այն հետևորդին, ով չափից շատ էր հետաքրքրվում իր անձնական կյանքով։

Սոֆին այլ մեկնաբանություն չի տվել իրենց բաժանման վերաբերյալ։

Ի դեպ, ավելի վաղ Սոֆին ներկայացրել էր, թե ինչպես էր անցել իր և սիրելիի հանգիստը՝ Դուբայում։ Պարուհին ինստագրամյան հարթակում հաճախ էր խոսում իր անձնական կյանքից։

Starnews-ն ավելի վաղ տեղեկացրել էր, որ Սոֆիի՝ ԱՄՆ-ում բնակվող արդեն նախկին սիրելին նրանից մեծ է 17 տարի։ Ամիսներ առաջ  Սոֆին մի քանի ամսով մեկնել էր ԱՄՆ՝ ընկերոջը տեսակցելու։

Պարուհին հաճախ է ինստագրամյան հարթակում հարց ու պատասխաններ կազմակերպում: Հերթական հարց ու պատասխանի ժամանակ համացանցային օգտատերերից մեկը հարց էր ուղղել նրանց տարիքային տարբերության մասին։Նրան հարցրել են,թե որն է զույգի մեջ լավագույն տարիքային տարբերությունը։

Սոֆին նշել էր, որ բոլորի համար նորմալ է իր ու կողակցի տարիքային տարբերությունը։ «Մերը քիչ չի, բայց ադեկվատ, սիրուն, պարզ հարաբերություններում դա չես էլ նկատում։ Հավես է, որ միշտ բռի մեջ փոքրի պես պահում է։ Կարևորը սիրեք».,-գրել էր Սոֆին։

Թեպետ Սոֆին սիրում էր սիրելիի մասնակցությամբ տեսանյութեր հրապարակել,  սակայն չէր սիրում խոսել, թե նա ով է և ինչով է զբաղվում: Պարուհին գաղտնի էր պահում նաև նրա անունը:

Ի դեպ, Սոֆիի շատ հրապարակումներ կարոտի մասին էին: Նա չէր թաքցնում, որ հեռավորությունը շատ ծանր էր տանում:

Մեկնաբանություն

Որոնում