Starnews-ը երեկ ներկայացրել է Talk time հաղորդման ընթացքում դերասանուհի Տաթև Հովակիմյանի պատասխանը Անի Երանյանին, այսպես ասած`իրեն ոչ պրոֆեսիոնալ դերասանուհի որակելու համար:
Հաղորդավարուհին նշեց, որ Օգոստոսի 24-ից հետո դերասանուհի Անի Երանյանը, ում հետ Տաթևն աշխատել է «Անավարտ Թռիչք» ֆիլմի ժամանակ, արեց մի հրապարակում առ այն, որ չստացված դերասանի մասնագիտությունից հետո շատերը մտնում են քաղաքականություն։
Նա նշեց որ լրատվական շատ կայքեր նշել էին, որ գրառումը վերաբերում է Տաթևին։
«Ես մաղթում եմ, որ ինքը ԱՄՆ-ում ունենա շատ լավ, կայացած դերեր մեծ հաջողություններ։
Մեկա ես իրեն միայն լավն եմ մաղթելու, բայց եթե անձնապես ինձ բան ունի ասելու, ես կարծում եմ մենք ունենք շատ նորմալ հարաբերություններ կարող էր ինձ գրել՝ նեղացներ թեկուզ, անհամաձայնություն հայտներ, չգիտեմ արյդոք ազնիվ ա գրել, որ ես չկայացած դերասանուհի եմ: Ես նման արտահայտություն չեմ անի, անգամ ամբողջ կյանքում սիթքոմերում նկարահանված դերասանուհուն չեմ անի, որ թատրոնի կողքով չի անցել, չէի ասի, ես ինձ դա թույլ չէի տա»,- ասաց Տաթևը:
Դե իսկ Անի Երանյանի պատասխանը ևս չուշացավ: Դերասանուհին նշեց, որ չի հիշում դեպք, որ այդ անունը հիշատակած լինի:
Նա «անփույթ» է արտահայտությունն անվանել`իրեն թատրոնի կողքով անցած դերասանուհի կոչելը, բայց և համաձայնվել, որ նկարահանվել է ամենառեյթինգային սիթքոմում:
