Այսօր համացանցում տեսանյութ էր տարածվել, որտեղ մի կին բռնության է ենթարկում անչափահաս աղջկա։ Տեսանյութը մեծ աղմուկ էր բարձրացրել, դեպքին արձագանքել էր նաև ՀՀ ՄԻՊ-ը։
Տեսանյութի տարածումից որոշ ժամանակ անց հայտնի դարձավ, որ ՆԳՆ ոստիկանության Հասարակական անվտանգության ապահովման գլխավոր վարչության, Գավառի և Կենտրոնական բաժինների ոստիկանների համատեղ ձեռնարկած միջոցառումների արդյունքում տեսանյութում պատկերված կինը հայտնաբերվել է և ոստիկանությունում է:
Նա Գավառից է: Անունը՝ Աննա Արամայիսի Արևշատյան, ծնված 09.04.1989 թվականին: Վերջին գրանցման վայրը եղել է Գեղարքունիքի մարզի Գավառ քաղաքը:
ՀՀ ներքին գործերի նախարարությունը ֆեյսբուքյան էջում հայտնում էր, որ դեպքի առնչությամբ կտրվի լրացուցիչ տեղեկատվություն։
