Ովքե՞ր են այսօր զոհված զինծառայողները. Բացառիկ մանրամասներ

Արդեն հայտնել էինք, որ Սեպտեմբերի 1-ին՝ ժամը 07:50-ից սկսած, ադրբեջանական կողմն ինտենսիվ կրակ է բացել Սոթքի հատվածում տեղակայված հայկական դիրքերի ուղղությամբ, ինչի հետևանքով հայկական կողմն ունի 2 զոհ, 1 վիրավոր։

Այսօր առավոտյան Սոթքի հատվածում զոհված երկու զինծառայողները Մասիս համայնքից են։ Այդ մասին հայտնում է Մասիս համայնքի ղեկավար Դավիթ Համբարձումյանը։

«Սոթքի հատվածում տեղակայված հայկական դիրքերի ուղղությամբ ադրբեջանական ԶՈՒ կրակի հետևանքով զոհվել են մեր համայնքի բնակիչներ Անդրանիկ Արշակի Անտոնյանը և Արսեն Ալեքսանդրի Մկրտչյանը»:

Նշենք, որ 15:15-ի դրությամբ իրադրությունն անփոփոխ է. կրակի ինտենսիվության նվազումը պահպանվում է։