Վերջին մեկ տարվա ընթացքում հանրությունը ճանաչեց Արսեն Սաֆարյանի դստերը՝ Էլեն Սաֆարյանին։ Նրա անունը եղավ մի քանի հեռուստաալիքների շատ առաջատար նախագծերում։ Երիտասարդ աղջկա շոուբիզնեսում հաստատվելու համար կարծես մեծ թիմ է աշխատում, չնայած, որ նա ինքը հերքում է այս ամենն ու ասում, որ ինքը միայնակ է այս արդյունքին հասել։
Հիմա ամեն բան հերթով՝ Էլեն Սաֆարյանը նկարահանվում է «Սև արկղ» հեռուստասերիալում և սերիալի մի քանի դերասանների հետ օրեր առաջ հյուրընկալվել էր «ներս Արի» հեռուստանախագծում։ Հաղորդման ընթացքում չենք կարող չնկատել Ներսես Ավետիսյանի հատուկ վերաբերմունքը ու հարցերը Էլենին։ Նշենք, որ դերասանուհին արդեն մի քանի անգամ հյուր է այս հաղորդմանը՝ առաջին անգամ հայրիկի հետ է եղել, հետո որպես «Հայ երգիչ» նախագծի մասնակից ու հիմա էլ արդեն դերասանուհու կարգավիճակով։
Սա դեռ ամենը չէ, այս հաղորդման ընթացքում երգչի դուստրը հայտնեց, որ պատրաստվում է թողարկել իր առաջին երգը և հույս ունի որ էլի հյուր կլինի ու կներկայացնի իր երգը։
Հավելենք, որ Արսեն Սաֆարյանի դստեր մասին խոսակցությունները սկսեցին «Հայ երգիչ» նախագծից, որտեղ հանդիստաեսը լսեց ոչ ուժեղ վոկալային տվյալներով աղջկա, իսկ ահա ժուրիի անդամները ցնցված էին և համարեցին դա շատ լավ ելույթ։
Այս ակտիվ շրջանից հետո զարմանալի չէր, որ դերասանուհին նաև հյուրընկալվեց Ամալյա հովհաննիսյանի մոտ որտեղ էլ խոսեց այս բոլոր թեմաների մասին։
StarNews-ը առանձնացրել է նաև այդ հարցազրույցից մի քանի հատված։
Ի պատասխան Ամալյա Հովհաննիսյանի հարցին, թե Էլենը կարողանում է դուրս գալ հայրիկի շուքից, Էլենը անկեղծ պատասխանեց, որ դեռ չի ստացվում։
«Ստացվել այդքան էլ չի լինում, որովհետև շատ մեկնաբանությունների եմ հանդիպում, որ իմ ամեն քայլը միևնույն է կապված է պապայի հետ, այսինքն ինքն է մեզ ամեն տեղ ուղեկցում, ավելին, մեկ-մեկ շատ վատ մեկնաբանությունների եմ ականատես լինում, օրինակ, որ ծանոթով այստեղ եմ նկարահանվում, այնտեղ եմ նկահարանվում։ Միևնույն է ինչ որ չափով ամեն ինչ կապում են պապայի հետ։ Մեկնաբանողները բաժանվում են երկու խմբի. Մի խումբը ասում է, որ ինչ լավ է, որ ինքը իր ճանապարհով է գնում կամ էլ բացասական»։
Շարունակելով միտքը Էլենը նշում է, որ ինքը հպարտ է, որ իր հայրը Արսեն Սաֆարյանն է, բայց միևնույն է ավելի հաճելի է, որ իրեն որպես Էլեն են ճանաչում։
Մանրամասն՝ տեսանյութում.
