Ամիսներ առաջ հեռարձակված «Ես կամ» հաղորդման հերթական թողարկումը՝ երգչուհի Տաթև Ասատրյանի և 10-ամյա Նժդեհի մասնակցությամբ, անտարբեր չթողեց ոչ ոքի։
Հաղորդումը իսկապես հուզիչ էր ստացվել, իսկ Տաթևի և Նժդեհի անկեղծ խոստովանությունները էլ ավելի մեծացրին համակրանքը՝ նրանց երկուսի նկատմամբ։ Հանրությունը տևական ժամանակ շարունակում էր քննարկել հաղորդումը, ինչպես նաև ջերմ մեկնաբանություններ թողնել Տաթևի և Նժդեհի հասցեին։
Նժդեհի տատիկի մահվանից հետո հանրության հետաքրքրությունը երեխայի հանդեպ մեծացավ և շատերն էին անհանգստացած նրա ճակատագրով։ Հենց նույն օրը Տաթև Ասատրյանը Նժդեհի մասնակցությամբ տեսանյութ հրապարակեց՝ հայտնելով, որ վերջինս իր հետ է և ամեն ինչ լավ է լինելու։
Ինչպես երևում է՝ ամիսներ անց էլ Տաթևը իր խոսքի տերն է և մինչ այժմ էլ շարունակում է հանդիպել Նժդեհին ու նրա հետ ժամանակ անցկացնել։ Այս անգամ էլ Տաթևը նախ ցույց էր տվել, որ երեխայի հետ միասին գնացել է ժամանցի կենտրոններից մեկն ու համատեղ գեղեցիկ կատարում ներկայացրել, ապա այցելել էին Եռաբլուր։ Հրապարակմանը կից երգչուհին գրել էր.
«Երկար ճանապարհներից հետո Հայաստան գալուն պես որոշեցի Նժդեհի հետ այցելել մեր հերոս տղաներին»։
