«Շիրակ կենտրոնի» տնօրեն Վահան Թումասյանն իր ֆեյսբուքյան էջում լուսանկար է հրապարակել՝ գրելով, որ «Արցախցի և շիրակցի երիտասարդների աչքալուսանքին ենք եկել՝ նոր ընտանիք է ձևավորվում»։
Վահան Թումասյանը նշել է, որ շիրակցի Սերոժը և Սյուզանը Արցախում են առաջին անգամ ծանոթացել, որտեղ էլ աշխատում էր երիտասարդը։
Երբ Ադրբեջանը բռնի օկուպացրեց Արցախի Հանրապետությունը, Սյուզանի ընտանիքը բռնի տեղահանվեց։ Սերոժի ընտանիքն այստեղ հյուրընկալել է Սյուզանի 15–հոգանոց ընտանիքին։ Այս մի քանի օրվա ընթացքում էլ որոշել են նոր ընտանիք կազմել։
