2022 թվականը մյուս տարիների պես առատ էր և´ ամուսնություններով, և´ ամուսնալուծություններով:
Տարեվերջին Starnews.am-ը ներկայացնում է 2022 թվականին ամուսնալուծված հայ հայտնիներին:
Սուրեն Փահլևանյանի և Յանա Դանիելյանի ամուսնալուծության տեղեկությունը հայտնի դարձավ 2022 թվականի տարեսկզբին:
Starnews-ը կապ էր հաստատել Յանայի հետ, ով նշել էր հետևյալ.
«Տեղեկությունը համապատասխանում է իրականությանը, ես միայն կհաստատեմ, բայց ավել բան ասել այլևս չեմ ցանկանում»,-նշել էր հաղորդավարուհին:
Այս հայտարարությունից հետո Յանան ամեն պատեհ, անպատեհ պահի նշում էր, որ ինքը երջանիկ է և իրեն լիարժեք է զգում:
Այս տարի մեծ աղմուկ բարձրացրեց հինգ երեխաների մայր, գեղեցկուհի Գոհար Հարությունյանի ամուսնալուծվելն ու կրկին ամուսնանալու ցանկությունը:
Չնայած նրան, որ գեղեցկուհին հրաժարվել է պատասխանել լրագրողի հարցին, Starnews.am-ը բացահայտել է Գոհար Հարությունյանի նոր սիրելիին:
Նշենք, որ ընդամենը մեկ տարի առաջ Գոհարը նշում էր, որ շատ երջանիկ ընտանիք ունի, ամուսինն իր երազանքների արքայազնն է, և որ չնայած նրան, որ ինքը այլևս չի ցանկանում երեխա ունենալ գերզբաղվածության և արդեն 5 երեխա ունենալու պատժառով, միևնույն է` ամուսինը շատ է ցանկանում կրկին համալրել իրենց ընտանիքը:
Նշենք, որ մինչ այժմ Գոհարը շարունակում է լռել:
2022 թվականին համացանցում ակտիվորեն քննարկվում էր ռուսաստանաբնակ հայտնի դիմահարդար Գոհար Ավետիսյանի ամուսնալուծությունը:
Սկզբնական շրջանում Գոհարը չէր խոսում այս մասին, սակայն տևական ժամանակ հետո նա ինքը սկսեց խոսել այս մասին:
Հիշեցնենք, որ ամուսնալուծությունից հետո Գոհարը վստահեցնում էր, որ լավ հարաբերություններ ունի Սերգեյի եւ նրա ընտանիքի հետ: Չնայած դրան՝ Գոհարը Սերգեյին նոր հնարավորություն չէր ցանկանում տալ:
Ըստ Գոհարի՝ Սերգեյն անտարբեր էր նույնիսկ այն ժամանակ, երբ ինքը պատրաստվում էր բարդ վիրահատության:Հավելենք նաեւ, որ Գոհարը ներկայումս հաճախ ցույց է տալիս իր շքեղ ծաղիկները՝ ակնարկելով, որ ինքը տղամարդկանց կողմից ուշադրության պակաս չի զգում: Նա նշում է, որ չգիտի, թե դրանք ում կողմից են:
starnews-ի լրահոսում նաև մեծ տեղ էր զբաղեցնում ԱՄՆ-ում բնակություն հաստատած ռեփեր Սուպեր Սաքոյի անձնական կյանքը:
Ավելին` վերջին ամիսներին համացանցում ամենաշատ քննարկվող թեմաներից մեկը ռեփեր Սուպեր Սաքոյի և նրա նոր սիրելիի՝ Լոլայի անձնական կյանքն է:
Սակայն զույգի միությունը ևս կարճ տևեց: Նրանք կարճ ժամանակ միասին լինելուց հետո հեռացրին համատեղ լուսանկարներն ու ավելի ուշ Լոլան խոստովանեց, որ նա միայնակ է:
