Ամենաընթերցվածները
«Իմ փոքրիկ ընտանիքը». Էլեոնորա Պետրոսյանի ջերմ տեսանյութը որդու և դստեր հետ
Պրոֆեսիոնալ պարուհի և պարուսույց Էլեոնորա Պետրոսյանը սոցցանցերի իր էջերում կիսվել է նոր տեսանյութով, որտեղ ներկայացված է նրա ընտանեկան ժամանցը երկու երեխաների հետ: Հրապարակված կադրերում Էլեոնորա Պետրոսյանը որդու և դստեր հետ սեղանի շուրջ նստած խաղում է բաժակներով, որոնց տակ թաքնված է քաղցրավենիք:
Տեսանյութին կից նա կատարել է հուզիչ գրառում. «Իմ փոքրիկ ընտանիքը: Ձեզ ունեմ, Աստված ինձ հետ է, և սիրտս այլ ցանկություն չունի»:
Հարկ է նշել, որ պարուհին մի քանի ամիս առաջ պաշտոնապես ամուսնալուծվել է Ալբերտ Աղաջանյանից: Բաժանման որոշումը կայացրել է հենց արտիստը՝ հիմնավորելով դա ամուսնական կյանքում ծագած բազմաթիվ դժվարություններով, վիճաբանություններով և դավաճանություններով, որոնք ինքը երկար ժամանակ ներել է բացառապես հանուն երեխաների լիարժեք ընտանիքում մեծանալու:
Ըստ Էլեոնորայի՝ նախկին ամուսինը ամիսներով տուն չի վերադարձել և չի հետաքրքրվել զավակների առօրյայով, ինչն էլ դարձել է վերջնական բաժանման պատճառ:
Չնայած անձնական կյանքում տեղի ունեցած սկանդալային իրադարձություններին, այդ թվում՝ երեխաներին մանկապարտեզից առանց նախազգուշացման տանելու հետ կապված դատական և իրավական քաշքշուկներին, Էլեոնորա Պետրոսյանն այժմ կենտրոնացած է զավակների դաստիարակության վրա: Նա բազմիցս շեշտել է, որ ապրում է մաքուր խղճով և ուժ է գտնում բարձր գլխով առաջ շարժվելու որպես կին և մայր:
Ներկայումս երեխաների բնակության վայրը դատարանի որոշմամբ հաստատված է մոր հասցեում, և պարուհին շարունակում է իր ակտիվ գործունեությունը՝ լսարանին ներկայացնելով իր «փոքրիկ ընտանիքի» երջանիկ պահերը, որոնք արտացոլված են նոր տեսանյութում:
StarNews-ը ստորև ներկայացնում է… տեսանյութը
