StarNews-ը ներկայացնում է հայկական շոու բիզնեսի weekend-ը`ով, որտեղ և ինչպես անցկացրեց հանգստյան օրերը:
Երեկ հայ առաքելական եկեղեցին նշում էր Ծաղկազարդը: Ողջ ինստագրամյան հարթակը ողողված էր ծաղկազարդյան հրապարակումներով:
Երգչուհի Սիլվա Հակոբյանն ու Սոնա Ռուբենյանը Ծաղկազարդին մասնակցել էին իրենց փոքրիկների հետ ու կադրեր հրապարակել:
Անի Քոչարը հրապարակել էր դստեր լուսանկարն ու հայտնել, որ փոքրիկի առաջին Ծաղկազարդն է:
Գարիկ Պապոյանի և Արամեի կանայք ևս հրապարակումներ էին արել եկեղեցու բակից:
Երեկ նաև Արամ Mp3-ի կնոջ ծնունդն էր: Աննան նշում էր ծննդյան 40-ամյակը։ Կնոջ հետ համատեղ հրապարակած թեմատիկ լուսանկարներին կից գրել էր.
«Ծնունդդ շնորհավոր, իմ թագուհի»։
Դե, իսկ Աննան էլ, ինքն իրեն շնորհավորելով, նշել էր.«Դե բարև հաջորդ տասնամյակ»։Աննայի ծննդյան անակնկալները սկսվել էին դեռ կեսգիշերից։
Օրվա առթիվ նրանք ընկերական միջավայրում երեկույթ էին կազմակերպել, որին մասնակցել են մի շարք հայտնիներ, այդ թվում՝ Ռաֆայել Երանոսյանը, Գարիկ Պապոյանն ու կինը՝ Մարիաննան, Ավետ Բարսեղյանը, Դիանա Շատվերյանը և այլք։
Երեկ նաև Արամ Ասատրյանի դստեր`Զվարթի ծննդյան տարեդարձն էր: Այս առիթով Արտաշի 2 դուստրերը`Սյուզին և Մարին, գնացել էին հորաքրոջը շնորհավորելու:Սյուզին ծննդյան տարեդարձից մի քանի կադրեր էր հրապարակել, որտեղ միայն քույրերով էին: Ինչպես և սպասելի էր`եղբայրները այս օրը լուռ էին:ԱՄՆ-ում գտնվող Կարմենը, ով Զվարթի մահացած եղբոր կինն էր, ջերմ շնորհավորանք է ուղղել Զվարթին`ասելով, որ շատ ուրախ է, որ նրա պես քույր ունի: Կարմենը ջերմ խոսքերով բարին է մաղթել սիրված երգչի դստերը, ում հետ չափազանց մտերիմ հարաբերություններ ունեն:
Հայ հայտնիներից Սուպեր Սաքոն և Մարիամ Մելիքյանը այս հանգստյան օրերին կիսվեցին տխուր լուրերով:
«Երբ մտածում ես, որ ավելի վատ բան չի կարող լինել»,- գրել է ռեփերը`հրապարակելով մահացած մտերիմի լուսանկարը:
Դե իսկ Մարիամ Մելիքյանը հրապարակել էր հուղարկավորության կադրեր ու ցավ հայտնել տեղի ունեցածի համար: Դերասանուհին սակայն չէր բացել փակագծերը`հայտնի չդարձնելով, թե ով է մահացածը:
Պրոդյուսեր Արմեն Պետրոսյանը`Մենչը, հրապարակել էր լուսանկար հայրիկի գերեզմանից:
«8 տարի անցավ»,- կից գրել է պրոդյուսերը:
Շաբաթ օրը մոդել Լյուսի Հայրապետյանը զայրացած էր: Պատճառն այն էր, որ քաղաքի կենտրոնում կայանված իր մեքենային վնաս էին հասցրել, սակայն որևէ հեռախոսահամար չէին թողել`կատարած վնաս փոխհատուցելու և ներողություն խնդրելու համար:Սա առաջացրել էր մոդելի զայրույթը: Նա սթորի է արել`հայտնելով իր զզվանքն ու զայրույթը:Էշի գլուխ,հայվան և նմանատիպ բառեր էր մոդելն ուղղել իր մեքենային վնաս հասցնողին:
Հաղորդավարուհի Լուսինե Թովմասյանն այս օրերին ընտանիքի հետ հանգիստն է վայելում: Նա պարբերաբար լուսանկարներ է հրապարակում`նշելով, որ իրենց համար սա սպասված հանգիստ էր:
Շաբաթ օրը Արա Մարտիրոսյանի որդու`Ալանի ավարտական երեկոն էր: Արայի որդու մայրը`Մերսեդեսը, հրապարակել էր որդու ավարտական երեկոյից կադրեր, իսկ որդու և ընկերների համատեղ լուսանկարներին կցել հայրիկի ընկերների մասին պատմող երգը:
Դերասանուհի Անի Երանյանն ու պրոդյուսեր, հումորիստ Արմեն Պետրոսյանը՝ Մենչը, նոր համատեղ նկարահանումների ընթացքում բավականին լուրջ վթարի էին ենթարկվել ու Անին այդ կադրերով կիսվել էր հետևորդների հետ՝ նշելով, որ անգամ ցնցումներով, բայց միևնույնն է, շարունակել են նկարահանումները։ Դերասանուհին միաժամանակ ընդգծել էր, որ արհամարհելու է նրանց, ովքեր մտածում են, թե վթարը ընդամենը բեմադրություն է։
Հանգստյան օրերին համացանցը ցնցեց
Ուելսի արքայադստեր Քեյթ Միդլթոնի առողջական խնդրի մասին լուրը: Նրա մոտ ուռուցք է հայտնաբերվել, քաղցկեղի դեմ նա այժմ բուժում է ստանում։
Նա հանդես էր եկել տեսաուղերձով և պատմել այդ մասին:Քեյթի մոտ ուռուցքը հայտնաբերվել է հունվարին՝ որովայնի վիրահատությունից հետո: Ուռուցքի տեսակը չի բացահայտվում։ Քեյթը քիմիաթերապիա է ստանում արդեն 1 ամիս:
