Ծնվել եմ ԱՄՆ-ում,բայց վերջնական տեղափոխվել եմ Հայաստան, կյանք կա այստեղ, որը չկա ԱՄՆ-ում. Գրիշա Ասատրյան

  • Jan 17, 2024

Երգիչ, գուսան Արամ Ասատրյանի թոռ` Գրիշա Ասատրյանի հետ զրուցել է ArmLur.am-ը` երգչի կատարած աշխատանքի, ԱՄՆ-ում բնակվելու, Հայաստան վերադառնալու մասին: Գրիշան ներկայացրել է իր ստեղծագործական աշխատանքի, նորությունների, ինչպես նաև խոսել է Արամ Ասատրյանի 70-ամյակին նվիրված միջոցառումից:

StarNews-ը ներկայացնում է մանրամասները:

«Ծնվել եմ Միացյալ Նահանգներում,3 տարեկանում տեղափոխվել ենք Հայաստան, ուսումս, կրթությունս ստացել եմ Հայաստանում, վերջին 5 տարիներին ապրում էի Միացյալ Նահանգներում, հետո մայիսին մի շատ լավ առիթով եկա Հայաստան ու շատ սիրեցի Հայաստանը: Կյանք կա Հայաստանում, որը չկա Միացյալ Նահանգներում:Մարդիկ ավելի ջերմ են, ժամանակ ունեն ապրելու, ժամանակ կա շփվելու, իսկ էնտեղ չկա: Իսկ վաստակելու տեսանկյունից`մի խոսք կա, որ աշխատող մարդն ամեն տեղ էլ կաշխատի: Ինձ դուրա գալիս ապրել ու սշխատել Հայաստանում, իմ վաստակածն ինձ լիովին հերիքումա, հետագա պլաններս բոլոր կապում եմ Հայաստանի հետ»:

Գրիշան խոսեց Մոսկվայում կայացած համերգի մասին, որը նվիրված էր Արամ Ասատրյանի 70-ամյակին: Նրա խոսքով`հիանալի համերգ տեղի ունեցավ, որտեղ բոլորը մեծ սիրով և ոգևորությամբ եկել էին մասնակցելու: Գրիշան փաստում է`պապիկի մահից 17 տարի անց նրա երգերը դեռ սպասված են:
Գրիշան միանշանակ համարեց փաստը, որ իր ձայնային տվյալները գեներով են եկել.
«Գենը շատ մեծ դեր ունի իմ կյանքում: Երաժշտությունը պետքա մարդու միջից լինի, միանշանակ:Մարդ պիտի իր ներսից երաժիշտ լինի, իսկ եթե երաժիշտա, կարծում եմ նաև պետքա կրթությունը»:
Նա նաև նշեց, որ ունի ինչ որ չափով ճանաչում, սեր և անցած ճանապարհ, սակայն դա չի խանգարում, որ երգիչն էլ ավելի մեծ բեմերի և ճանաչման ձգտի:

Մեկնաբանություն

Որոնում