Կրակոցներ Աջափնյակում․ հայտնի է` ով է մահացողը

Երևանի Աջափնյակ վարչական շրջանում՝ Աբելյան փողոցում, կրակոցներ են արձանագրվել։ Դեպքի վայրից տեղեկությունները հաղորդում է ArmLur-ը։

ՆԳՆ-ից հայտնում են, որ իրականացվում են անհապաղ օպերատիվ-հետախուզական գործողություններ՝ միջադեպի բոլոր հանգամանքները պարզելու նպատակով։ 

Կրակոցների հետևանքով 7 տուժած տեղափոխվել է Արմենիա բժշկական կենտրոն։ Նրանցից մեկը, ցավոք, մահացել է։ Նա Երևանի բնակիչ Արսեն Վարդանյանն է: Երկու վիրավորի վիճակը գնահատվում է ծայրահեղ ծանր, իսկ մյուսներինը՝ ծանր, սակայն կայուն, այս մասին հայտնում են ԱՆ-ից:

Դեպքի առթիվ իրավապահները շարունակում են անհրաժեշտ գործողությունները։