Ամենաընթերցվածները
Գոռ Մարտիրոսյանը բացահայտում է իր ստեղծագործական ուղին
«Թիվ Թվաբանություն» հաղորդաշարի առաջին և հատուկ հյուրը սիրված դերասան Գոռ Մարտիրոսյանն է, ում հանրությունը ճանաչում և սիրում է դեռևս «Բանակում» հայտնի հեռուստասերիալից: Դերասանի մասնակցությունը հաղորդմանը նոր շունչ ու հետաքրքրություն է հաղորդել նախագծի մեկնարկին՝ ապահովելով դինամիկ և բովանդակալից քննարկում:
Գոռ Մարտիրոսյանը նոր հարցազրույցի շրջանակներում մանրամասն անդրադարձել է իր ստեղծագործական կյանքի տարբեր փուլերին և պատասխանել մասնագիտական ու անձնական հարցերի: Խոսելով կարիերայի սկզբնական շրջանի մասին՝ նա պարզաբանել է իր վերաբերմունքը լուրջ դերեր ստանալու հարցին: Հարցին, թե արդյոք ներքին զայրույթ է զգացել, երբ իրեն երկար ժամանակ լուրջ կերպարներ չեն վստահվել, Գոռը նշել է, որ նման դեպքերում զայրույթ չի զգացել: Նա ընդգծել է, որ յուրաքանչյուր դեր ունի իր նշանակությունը, և ինքը միշտ փորձել է լավագույնս ներկայացնել իրեն վստահված աշխատանքը:
Առանձնահատուկ անդրադարձ է կատարվել «Բանակում» հեռուստասերիալին և դրա ազդեցությանը նրա հետագա գործունեության վրա: Գոռը պատմել է նաև նկարահանման հրապարակում տեղի ունեցած հետաքրքիր դրվագների և գործընկերների հետ ունեցած հարաբերությունների մասին: Զրույցի ընթացքում քննարկվել է նաև մի դեպք, երբ հարսանիքի ժամանակ տեղի է ունեցել միջադեպ, որից հետո զույգը բաժանվել է: Գոռը ներկայացրել է իր տեսակետը նման իրավիճակների վերաբերյալ՝ շեշտելով մարդկային փոխհարաբերությունների բարդությունները:
Հարցազրույցի ընթացքում տեղի են ունեցել նաև ոչ պաշտոնական և անկաշկանդ դրվագներ: Երբ նրան խնդրել են հնչեցնել տոնական կենաց, Գոռ Մարտիրոսյանը նկատել է, որ առանց բաժակի և համապատասխան խմիչքի կենաց չի ասի, սակայն պատրաստ է ուղղակի խոսքով դիմել և բարեմաղթանքներ հղել: Նա նաև անդրադարձել է իր ներկայիս կարգավիճակին և այն սկզբունքներին, որոնցով առաջնորդվում է թե՛ աշխատանքում, թե՛ առօրյա կյանքում՝ կարևորելով անկեղծությունն ու սեփական ես-ին հավատարիմ մնալը:
Գոռ Մարտիրոսյանը հանդես է եկել բավականին անկեղծ ու խորքային զրույցով: Դերասանը, ով իր կարիերայի ընթացքում մշտապես առանձնացել է յուրահատուկ խարիզմայով և անմիջականությամբ, այս անգամ ևս չի դասաճանել իր սկզբունքներին՝ կիսվելով գործունեությանը վերաբերող ուշագրավ դրվագներով և անդրադառնալով ընթացիկ նորություններին: Հաղորդման ձևաչափը հնարավորություն է տվել բացահայտել դերասանի նոր կողմերը և լսել նրա տեսակետները տարբեր հարցերի շուրջ:
