StarNews-ը առանձնացրել և ներկայացնում է շոուբիզնեսյան օրվա ամենահետաքրքիր և ուշագրավ իրադարձությունները։
Երիտասարդ դերասանուհի Մերի Քոչարյանը ինստագրամյան իր էջի story բաժնում նոր հրապարակում էր արել՝ արտահայտելով իր զարմանքը։ Մերին նշել էր, որ չի հասկանում այն մարդկանց, ովքեր սիրում են անձրևային եղանակը։
Եղանակի մասին տեսանյութի միջոցով խոսել էին նաև մոդել, հաղորդավարուհի Լուսինե Թովմասյանն ու դուստրը՝ Արիանան։
Արդեն հայտնել էինք, որ երգչուհի Արմինկան Հայաստանում է։ Երգչուհին պարբերաբար հրապարակումներով էր հանդես գալիս՝ ցույց տալով, թե ինչպես է կազմակերպել ժամանցը հայրենիքում։ Հերթական անգամ էլ Արմինկան ցույց էր տվել օրվա համար ընտրած հագուստը։
Շոումեն Արամ Մելիքյանն էլ, ով ընդամենը օրեր առաջ կրկին հայր է դարձել, նոր տեսանյութ էր հրապարակել նորածին որդու՝ Տիգրանի մասնակցությամբ։
Բուենոս Այրեսի հյուրանոցներից մեկի պատշգամբից ընկնելու հետևանքով 31 տարեկան հասակում մահացել է One Direction խմբի նախկին երգիչ Լիամ Փեյնը։ Բժիշկները հայտնել են, որ արտիստի ստացած վնասվածքները անհամատեղելի են եղել կյանքի հետ։ Նշենք, որ Լիամը հայտնել էր, որ տառապում է ալկոհոլային չարաշահումից։
