Ինչպես արդեն տեղեկացրել ենք` ԱՄՆ-ում՝ Dolby թատրոնում, տեղի է ունեցել հայկական երաժշտական մրցանակաբաշխությունը, որին մասնակցելու համար Հայաստանից ԱՄՆ են մեկնել մի շարք արտիստներ:
Նրանցից յուրաքանչյուրը յուրովի է պատրաստվել օրվան. հատուկ արտիստների համար կարված զգեստներ, շքեղ ու էլեգանտ կերպարներ ու այս ամենը` հայկական շոուբիզնեսի մի շարք արտիստների կատարմամբ։
Երեկոյի առաջին մրցանակը ստացել է երգչուհի Սոնա Ռուբենյանը, ով իսկական շոու է կազմակերպել՝ երգել իր «Փաթիլներ» երգը, ապա նաև «Լուսին» -ը, որը երգչուհու հետ կատարել է ողջ դահլիճը։
Այս ամենի հետ զուգահեռ Սոնան նաև փայլել է իր տեսքով: Գաղտնիք չէ, որ երգչուհին զգալիորեն նիհարել է՝ այդպիսով ավելի ընդգծելով իր գեղեցկությունը։
