Ամուսնությունից և մայրանալուց հետո դերասանուհի Քրիստինա Եղոյանը սոցիալական ցանցի իր էջերում հիմնականում ներկայացնում է ընտանեկան կոնտենտ։
Թեև Քրիստինան ամուսնու հետ համատեղ հրապարակումներ գրեթե չի անում, փոխարենը հաճախ է հրապարակում դուստրերի՝ Լեայի և Լյուսիի մասնակցությամբ լուսանկարներ ու տեսանյութեր, կիսվում է նաև իր փորձով։
Այս անգամ էլ դերասանուհին հրապարակել էր մի տեսանյութ, որտեղ բացատրվում էր, թե ինչ պետք է անել, երբ երեխան բարձր ջերմության հետևանքով ցնցումներ է ունենում։
Քրիստինան իրեն հետևող մայրիկներին հորդորել էր նման իրավիճակում խուճապի չմատնվել՝ պատմելով, որ երբ Լեայի մոտ նման ցնցումներ են եղել ինքը վախից ուշաթափվել է՝ մտածելով, թե կորցնում է երեխային։
