Վերջին շրջանում չեն դադարում խոսակցությունները դերասանուհի Անի Երանյանի անվան շուրջ, որոնք հիմնականում կապված են նրա անձնականի հետ։ Եվ, չնայած այդ ամենին, դերասանուհին շարունակում է պահպանել սոցիալական իր ակտիվությունը և այժմ դերասանական ներգրավվածություն ունի հեռուստասերիալներից մեկում։
Հենց սերիաներից մեկում էլ Անիի հերոսուհին ինգալատոր է օգտագործում՝ 2 անգամ և հետևորդները հետաքրքրվել էին, թե որն էր սարքը 2 անգամ կիրառելու պատճառը։ Անին էլ նշել էր, որ դա կիքս չէր, քանի որ իր մոտ 2018-19 թթ. ասթմա են հայտնաբերել.
«Մի քանի տարի շարունակ առանց ինգալատորի չեմ ապրել, շատ անհավանական ու չկանխատեսված սիտուացիաներում գլուխ էր բարձրացնում ու անհանգստացնում։ Երբ եկա ԱՄՆ մի տարի անց նկատեցի, որ ես վաղուց արդեն չեմ օգտվել իմ անբաժանելի «ընկերոջից»,- գրել էր դերասանուհին։
