Սեպտեմբերի 19-ին Ադրբեջանը հերթական ռազմական գործողությունները ձեռնարկեց Արցախի ու արցախահայության նկատմամբ։ Փորձագետները թշնամու այս գործողությունները որակեցին որպես ցեղասպանություն, որին զոհ գնացին խաղաղ բնակիչներ ու անմեղ երեխաներ։ 100.000-ից ավել արցախցի բռնագաղթեց՝ թողնելով տունն ու հայրենիքը։
Իրավիճակի սրման հենց առաջին օրերից բազմաթիվ հայեր՝ Հայաստանում ու արտերկրում, ձեռնամուխ եղան Արցախի մեր հայրենակիցների օգնությանը՝ կազմակերպելով դրամահավաքներ, ինչպես նաև՝ հումանիտար օգնություն։
Առանձին նախաձեռնությամբ հանդես եկավ դերասանուհի Անաիս Սարդարյանը՝ հավաքագրելով առաջին անհրաժեշտության իրեր, և գնալով նախաձեռնության մասշտաբները մեծացան ու դրան միացան նաև մի շարք հայ հայտնիներ։
Այս անգամ Անաիսը ներկայացել է տեսանյութով, որտեղ ներկայացնում է, որ Սպիտակցի Հայկոն է եկել օգնությամբ` ուղղված Արցախից բռնի տեղահանվածներին:
Անաիսը նշել է, որ շնորհակալ է նաև հայտնի մարդկանց,ովքեր օգնություն ցուցաբերելով «վարակում» են մյուսներին:
Անաիսի խոսքով`Սպիտակցի Հայկոն իր ընտանիքի հետ է միացել բարեգործությանը:
Իսկ մենք հետևողական ենք` ներկայացնելու և´ օգնող մարդկանց, և´ անտարբերներին:
