Ուղիղ մեկ տարի առաջ համացանցի ամենացավալի լուրը սիրված երգիչ Արա Մարտիրոսյանի անժամանակ մահն էր: Մարդիկ արտասվում էին և չէին հավատում իրականությանը: Երգիչը սիրված ու սպասված էր երկրպագուների շրջանում, լավ ընկեր ու բարեկամ էր ընկերների ու հարազատների համար:
Երգչի մահից անցել է մեկ տարի: Երեկ Արայի հարազատները, ընկերները այցելել են նրա գերեզմանին: Ինչպես նրանք են նշել ինստագրամյան հրապարակումներում` Արայի հիշատակին նվիրված, նրան վայել գերեզման է կառուցել նրա քույրը`Արաքսյան, ում շտապում էին նաև շնորհակալություն հայտնել:
Նշենք, որ երգչի մահից օրեր առաջ էլ մահացել էր նրա մայրը: Արան ու մայրը միմյանց շատ կապված էին, ինչի մասին խոսում էին ընտանիքի մտերիմները:
