Ավտովթարից մահացել է հայտնի դերասանը. Աստղային օրվա ամփոփում

StarNews-ը առանձնացրել և ներկայացնում է շոուբիզնեսյան օրվա ամենահետաքրքիր և ուշագրավ իրադարձությունները։

Ավետ Բարսեղյանը ինստագրամյան իր էջում նոր հոլովակ էր հրապարակել դստեր՝ Լուսեի մասնակցությամբ և ցույց տվել, որ աղջնակը ստեղծագործական առաջին քայլերն է կատարում։

Երգչուհի Մաշ Իսրյաելյանն էլ ընտանեկան զվարճալի կադրերով էր կիսվել՝ ամուսնու՝ Գարիկի և դստեր՝ Աննայի հետ համատեղ։

Իսկ, ահա, Արամեի կինը՝ Աննա Թովմասյանը, հետևորդներին ցույց էր տվել, թե ինչպես են զվարճանում երեխաները՝ Մարատն ու Աննա-Մարիան։

Արմուշն էլ նոր հարցազրույցի ընթացքում խոսել էր «32 ատամ» ակումբի փլուզման, Վարդուհի Վարդանյանի ողբերգական ավտովթարի ու Գևորգ Եղիազարյանի մահվան մասին։

Բրիտանացի դերասան Չենս Պերդոմոն, ով առավել հայտնի է Netflix-ի «Սաբրինայի սառը արկածները» սերիալով, մահացել է ճանապարհատրանսպորտային պատահարից 27 տարեկանում, հայտնում է BBC-ն։ Բացի Netflix-ի դրամայում զորավար Էմբրոուզ Սփելմանին մարմնավորելուց, Պերդոմոն մարմնավորել է Անդրե Անդերսոնին Amazon Prime սուպերհերոսների «Սերունդ V» սերիալում։