Համացանցում օրերս տարածվել է ԱՄՆ-ում բնակություն հաստատած ռեփեր Սուպեր Սաքոյի լայվը, որում նա նախ դժգոհում էր Սրբազան պայքարի մասնակիցներից, ապա ասում, որ ինքն էլ է պայքար կազմակերպում.
«Հունիսի 15-ին սկսում ենք Արեշից, ես արեշցի եմ, Ցիրկի մոտից վերցնում ենք բոլոր պուտանկեքին, վեկալենք, սենց հելնենք Բաղրամյան, հավ, ոչխար-մոչխար տան գիրկս, ես պտի փոխեմ ամեն ինչ Հայաստանում, պլանը օլինա…, օրինակակա… օրինականացնելու եմ»:
Ռեփերն ակնհայտորեն ծաղրում էր Բագրատ Սրբազանի արշավը:
Այս ամենին արձագանքել է հաղորդավար Մհեր Բաղդասարյանն, ով հիշել է ռեփերի մասնակցությամբ մի հաղորդում, որը քննադատությունների ալիք էր բարձրացրել:
«Կոմիտասի մասին էշությունը դուրս տալուց հետո մի կերպ փրկեցիք, էս անգամ չեք կարա: Մի դարձրեք հիմարներին հայտնի: Վերջապես մենք էլ պետք է հասկանանք, թե ինչա չեղարկման մշակույթը»:
Հիշեցնենք, որ Հանրային հեռուստաընկերության «Կերպարից դուրս» հաղորդման շրջանակներում հյուրընկալվել էր Սուպեր Սաքոն, ով խոսել էր մուղամի և իր երգերում դրա շատ լինելու մասին.
«Մուղամը մերն էլ ա եղել: Կոմիտասը եկել և մաքրել է, որովհետև, երբ հայկական երաժշտությունը մատուցել ա Եվրոպային, նրանք չեն հասկացել այդ ծռած նոտաները, իրանց տհաճա թվացել, իսկ ինքը` հայ երգը տարածելու համար,հետ ս եկել ու ջնջել էդ նոտաները, ես գիտեմ էդ պատմությունը և պարզապես տարածելու համար նա ջնջել ա էդ նոտաները, բայց ռաբիսը միշտ մերն ա եղել»,- ասել էր նա:
