Ինչպես արդեն հայտնել ենք` հայազգի դերասաններ Կարեն Կարագուլյանի և Վաչե Թովմասյանի մասնակցությամբ «Անորա» ֆիլմը 5 անվանակարգում «Օսկար» մրցանակի է արժանացել. դրանք են` «Լավագույն ֆիլմ», «Լավագույն օրիգինալ սցենար», «Լավագույն ռեժիսոր» – Շոն Բեյքեր, «Lավագույն դերասանուհի»-Մայքի Մեդիսոն, «Լավագույն մոնտաժ»։
Վաչե Թովմասյանը ժամերի ընթացքում ստացավ բազմաթիվ շնորհավորանքներ՝ կոլեգաների և ընկերների կողմից։
Դերասանի նախկին կինը ևս ինստագրամյան էջում ցույց է տվել՝ ինչպես է դստեր հետ դիտում մրցանակաբաշխությունը, իսկ արդեն հաղթանակից հետո Գայանեն հրապարակել էր Վաչեի լուսանկարը և գրել.
«Խոսքեր չկան, ես գիտեի ու սա խելագարություն չէ»։
