Երեկ երգիչ Միհրան Ծառուկյանն ու Արփի Գաբրիելյանը նշում էին իրենց ամուսնության 4 տարին: Ամենաքննարկվող սիթքոմային զույգը 4 տարի առաջ այս օրը անակնկալ կերպով ամուսնացավ: Հարկ է նշել, որ զույգը որևէ աչք ծակող շքեղության չէր դիմել: Շատ համեստ խնջույք էր կազմակերպվել:
Նշենք նաև, որ ամուսնությունից ընդամենը 1 ամիս առաջ էլ Միհրանն իր համերգի ժամանակ անակնկալ ամուսնության առաջարկ էր արել Արփիին`հենց բեմում նրա մատին մատանի դնելով:
Այսօր զույգը մեծացնում է իրենց որդուն`3-ամյա Ռոբերտին:
Նշենք, որ Արփի Գաբրիելյանը այսօր համարվում է ամենահաջողակ հայ դերասանուհիներից մեկը, ով պարբերաբար հայտնվում է հանրության քննարկումների, երբեմն էլ՝ քննադատությունների կենտրոնում։
Արփիի հանդեպ հետաքրքրությունն առավել մեծացավ Միհրան Ծառուկյանի հետ ամուսնությունից հետո ու թեև դերասանուհու սոցիալական էջերում բազմաթիվ են ընտանեկան հրապարակումները, այնուամենայնիվ նա քիչ է խոսում անձնականից և մեկ անգամ չէ, որ նշել է, թե դա իր համար փակ թեմա է։
