StarNews-ը ներկայացնում է հայկական շոու բիզնեսի weekend-ը`ինստագրամյան հարթակի հրապարակումներն ու սկանդալները:
Համացանցում օրերս տարածվել էր ԱՄՆ-ում բնակություն հաստատած ռեփեր Սուպեր Սաքոյի լայվը, որում նա նախ դժգոհում էր Սրբազան պայքարի մասնակիցներից, ապա ասում, որ ինքն էլ է պայքար կազմակերպում.
«Հունիսի 15-ին սկսում ենք Արեշից, ես արեշցի եմ, Ցիրկի մոտից վերցնում ենք բոլոր պուտանկեքին, վեկալենք, սենց հելնենք Բաղրամյան, հավ, ոչխար-մոչխար տան գիրկս, ես պտի փոխեմ ամեն ինչ Հայաստանում, պլանը օլինա…, օրինակակա… օրինականացնելու եմ»:
Ռեփերն ակնհայտորեն ծաղրում էր Բագրատ Սրբազանի արշավը:
Այս ամենին արձագանքել էր հաղորդավար Մհեր Բաղդասարյանն, ով հիշել է ռեփերի մասնակցությամբ մի հաղորդում, որը քննադատությունների ալիք էր բարձրացրել:
«Կոմիտասի մասին էշությունը դուրս տալուց հետո մի կերպ փրկեցիք, էս անգամ չեք կարա: Մի դարձրեք հիմարներին հայտնի: Վերջապես մենք էլ պետք է հասկանանք, թե ինչա չեղարկման մշակույթը»:
Նախորդ շաբաթը լի էր նոր ծնունդներով: Հանգստյան օրերին ամերիկաբնակ երգիչ Տիգրան Ասատրյանը կրկին պապիկ է դարձել: Տիգրանի որդին և կինը`Արամն ու Լիլիթը, ծնողներ են դարձել: Զույգը որդի է ունեցել, ում անվանակոչել են ի պատիվ պապիկի`Տիգրան:
Այս մասին հրապարակում էր արել երգիչը`գրելով հետևյալը.
«Տիգրանիկս լույս աշխարհ եկավ»:
Լուրին արձագանքել էր նաև Արտաշ Ասատրյանը, ով շնորհավորել էր եղբոր որդուն`մասնավորապես գրելով.
«Թող բախտավոր աստղի տակ մեծանա մեր բալեն»:
ԴերասաՆ Դավիթ Աֆրիկյանը վերջին տարիներին անընդմեջ հեռուստասերիալներում ներկայանում է գլխավոր կերպարով։
Դավիթի դերերը շատ արագ սիրվում են, երբեմն նաև`քննարկվում։ Վերջին ամիսներին դերասանը ստեղծագործական դադարի մեջ է, և այս ընթացքում նա զբաղված է անձնական կյանքի փոփոխություններով:
Starnews-ը հայտնել էր, որ դերասանը սիրելի ունի, կիրակի հայտնի դարձավ, որ Դավիթն ու նրա սիրելին Լինդան ամիսներ առաջ ամուսնացել են։
Այդ մասին դերասանը հայտնել է հարսանիքից բացառիկ կադրեր հրապարակելով.
«Մարմնիս յուրաքանչյուր բջիջ, հաղթական հագուստներով տոնում են իրենց վերածնունդը մարդկանց աշխարհում։ 08.05.2024»:
Սիրված երգիչ Արա Մարտիրոսյանին Ռուսաստանում կայացած «ЗОЛОТОЙ ВЕК» բիզնես մրցանակաշխության ժամանակ հետմահու հատուկ մրցանակ է շնորհվել՝ «Երաժշտական արվեստի զարգացման մեջ իր ներդրումի համար»։ Մրցանակը ստացել է նրա քույրը՝ Արաքսյա Մարտիրոսյանը։
Շաբաթ օրը դերասանուհի Լուիզա Ղամբարյանի ծննդյան օրն էր: Այս առիթով Լուիզային մի շարք հայտնիներ, երկրպագուներ, շնորհավորանքներ էին հղել:
Լուիզայի դուստրը`Գաբին ևս, մայրիկի հետ համատեղ լուսանկարներ էր հրապարակել ու շնորհավորել նրա ծնունդը:
«Հավերժ գեղեցիկ»,- լուսանկարներից մեկում գրել էր Գաբին:
«Ամենանվերս»,- պատասխանել էր Լուիզան:
