Սարո Թովմասյանը ծաղրո՞ւմ է իրենց «Sold out» համերգներով պարծեցող հայ հայտնիներին

Երգիչ Սարո Թովմասյանը կարծես հումորային, բայց նաև սարկաստիկ ակնարկ է արել վերջին շրջանում «Sold out» համերգներով պարծեցող հայ արտիստների հասցեին։

Այսօր իր ինստագրամյան story բաժնում նա հրապարակում է արել, որտեղ ինքնածաղրով խոսում է սեփական համերգի մասին՝ նշելով, թե «ազատ շատ տեղեր կան», «ոչ ոք թող տոմս չգնի», «չշտապեք»հավելելով, որ «չգնալն է ճիշտը» և, իհարկե, «ոչ մի sold out չկա»։

Թովմասյանի այս ձևակերպումները թույլ են տալիս դրանք դիտարկել որպես թաքնված ծաղր այն արտիստների հասցեին, ովքեր հաճախ հրապարակումներով շեշտում են իրենց համերգների ամբողջական վաճառքը։

Միաժամանակ, երգիչը ընտրել է ինքնահեգնական տոն, ինչը թույլ է տալիս իրավիճակը դիտարկել նաև որպես թեթև հումոր՝ առանց ուղղակի հասցեական քննադատության։