Ամենաընթերցվածները
Աստղային օրվա ամփոփում․ հիվանդանոցից դուրսգրում, ընտանեկան ուրախ լուրեր և քննարկվող հրապարակումներ
Այսօր համացանցում ուշադրության կենտրոնում էին ինչպես ուրախ ընտանեկան իրադարձությունները, այնպես էլ հուզիչ ու մտահոգիչ պատմությունները։
Օրվա ամենաջերմ հրապարակումներից մեկը պատկանում էր Պոնչին և Տոմային, որոնք հանդես էին եկել քավոր-քավորկնոջ պատվավոր դերում։ Զույգը հետևորդների հետ կիսվել էր հարսանեկան արարողությունից ուրախ կադրերով՝ ցուցադրելով տոնական տրամադրությունն ու իրենց էլեգանտ կերպարները։
Հուզիչ հրապարակմամբ էր հանդես եկել դերասանուհի Էվելինա Շահիրյանը՝ հայտնելով, որ որդին՝ Դանիելը, սեզոնային վիրուսի պատճառով Հունիսի 1-ը ստիպված անցկացրել է հիվանդանոցում։ Բարեբախտաբար, ավելի ուշ դերասանուհին հայտնել է, որ արդեն դուրս են գրվել, իսկ փոքրիկի առողջական վիճակը լավ է։
Քննարկումների կենտրոնում շարունակում է մնալ նաև դերասանուհի Ռոզա Դավթյանը։ Վերջին օրերին համացանցում ակտիվորեն շրջանառվում են նրա հնարավոր հղիության մասին լուրերը, սակայն դերասանուհին դեռևս որևէ մեկնաբանությամբ հանդես չի եկել՝ նախընտրելով անձնական կյանքի մանրամասները գաղտնի պահել։
Մայրացած Լիլի Մորտոն էլ նոր հրապարակմամբ վերջ դրեց համացանցում տարածված խոսակցություններին։ Նա ներկայացրել է դստեր՝ Ավրորայի և ամուսնու դստեր՝ Ռիմայի առաջին հանդիպման կադրերը՝ հերքելով նրանց միջև հնարավոր տարաձայնությունների մասին շրջանառվող լուրերը։
Այսօր հայտնի դարձան նաև ողբերգական մանրամասներ Կապանում մահացած հայտնաբերված զինծառայող Արամայիս Գևորգյանի մասին։ Պարզվել է, որ արցախցի երիտասարդը 2023 թվականից ընտանիքի հետ բնակվում էր Արմավիրի մարզի Արտիմետ համայնքում և ընտանիքի միակ որդին էր։
Ուրախ իրադարձություն է տեղի ունեցել նաև հաղորդավար Տիգրան Հարությունյանի ընտանիքում։ Երկրորդ անգամ հայրացած հաղորդավարը հրապարակել է նորածին որդու լուսանկարներն ու հիվանդանոցից դուրսգրման հուզիչ կադրերը։
Օրվա ընտանեկան ջերմ հրապարակումներից մեկն էլ Մովսես Երեմյանի և Աննա Սիմոնյանի նոր լուսանկարն էր, որով զույգը հերթական անգամ արժանացավ հետևորդների ջերմ արձագանքին։
Այսպիսով, օրը լի էր թե՛ ուրախ ընտանեկան նորություններով, թե՛ քննարկումների առիթ դարձած հրապարակումներով և ցավալի դեպքերի մասին տեղեկություններով։
