Տարիները նրանց չեն կանգնեցրել. հայ աստղեր, որոնք տարիքի հետ չեն կորցրել իրենց փայլը

ՀՀ վաստակավոր արտիստ Դավիթ Հակոբյանը մինչ օրս շարունակում է ակտիվ ստեղծագործական գործունեությունը։ Դերասանը հանդես է գալիս ոչ միայն թատրոնի բեմում, այլև նկարահանվում է հեռուստասերիալներում՝ մարմնավորելով հանդիսատեսի սիրելի պապիկի կերպարները։ Դավիթ Հակոբյանն այժմ 68 տարեկան է, սակայն շարունակում է մնալ պահանջված և սիրված դերասան։

Դերասան, հումորիստ, ՀՀ ժողովրդական արտիստ Աշոտ Ղազարյանը նույնպես շարունակում է ակտիվ գործունեություն ծավալել։ Սիրված արտիստն այսօր հեռուստահաղորդում է վարում, իսկ նրա հումորը և տարիների ընթացքում ձևավորված անկրկնելի ոճը շարունակում են արժանանալ հանդիսատեսի մեծ սիրուն։ Աշոտ Ղազարյանն այժմ 77 տարեկան է։

ՀՀ վաստակավոր արտիստ Էվելինա Շահիրյանը ևս շարունակում է ակտիվ ստեղծագործական ուղին։ Վարել է մի շարք մանկական և երաժշտական հեռուստահաղորդումներ Նա շարունակում է հանդես գալ թատրոնի բեմում, իսկ ժամանակ առ ժամանակ նկարահանվում է նաև հեռուստասերիալներում՝ պահպանելով հանդիսատեսի սերն ու հետաքրքրությունը։
Դերասանուհին այժմ 85 տարեկան է։

Երգիչ, երգահան, ՀՀ վաստակավոր արտիստ Ֆորշը (Վահան Գևորգյան) մինչ օրս շարունակում է ակտիվ ստեղծագործական գործունեությունը։ Նա հեղինակել է ավելի քան 50 երգ և ներկայացրել շուրջ 20 տեսահոլովակ։ Ֆորշի ամենահայտնի ստեղծագործություններից մեկը՝ «Երևանը մենք ենք» երգը, տարիների ընթացքում դարձել է Երևանի խորհրդանիշներից մեկը և սիրվել է տարբեր սերունդների կողմից։ Այսօր էլ նա շարունակում է ելույթներ ունենալ և ստեղծագործել՝ պահպանելով իր ուրույն տեղը հայկական երաժշտարվեստում։