Դերասանուհի Անի Երանյանը մշտապես եղել է հանրության ուշադրության կենտրոնում։
ԱՄՆ-ում բնակություն հաստատած Անին շատ ակտիվ է իր ինստագրամյան էջում, որտեղ էլ բացի իր լուսանկարներից կիսվում է նաև աշխատանքային նորություններով։
Դերասանուհին իր երկրպագուներին ուրախացրել է նոր նախագծում ներկայանալով։
Նրա մասնակցությամբ «Մալենա» հեռուստասերիալն արդեն էկրաններին է։
Սակայն Անիի անվան շուրջ ամեն բան այդքան էլ հարթ չէ, արդեն երկու տարի է ինչ քննարկվում են նրա և Մհեր Բաղդասարյանի հարաբերությունները։
Մհերն ու Անին համատեղ սկսեցին նոր ռեալիթի շոու՝ հիմքում դնելով իրենց հարաբերությունները։
Ռեալիթի շոուն արդեն երկրորդ եթերաշրջան ունի, որի առաջին էպիզոդում Անին համաձայնեց հարաբերություններ սկսել Մհերի հետ։
Թվում էր ամեն բան լավ է, զույգն էլ իրար լավ է հասկանում։
Ինստագրամյան էջում էլ Անին ու Մհերը դարձան ամենասիրելի զույգերից մեկը։
Սակայն էպիզոդներից մեկում Մհերը խոստովանեց, որ Անիին խաբել է ու հանդիպել այլ աղջկա հետ։
Այս էպիզոդից հետո Անին դադար խնդրեց ու արդեն երկու ամիս է, ինչ նոր էպիզոդ չկա, զույգն էլ համատեղ հրապարակումներ չի անում։
Այժմ նրանց երկուսի հրապարակումներն էլ խիստ աշխատանքային են։ Մհերը հաճախ լինում է Հայաստանում՝ էստեղ նկարահանելով իր «Տետ ա տետ»հաղորդումը, դե իսկ Անին զբաղված է նոր նախագծի նկարահանումներով։
Մհերը երեկ կոտրեց այս դադարը նա Անիի հետ համատեղ լուսանկարով կիսվեց իր ինստագրամյան էջի սթորիս բաժնում։ Բայց թվում է, թե Անին դեռ նեղացած է, քանի որ նա այդ սթորիով իր էջում այդպես էլ չկիսվեց, ավելին այլ հրապարակումներ արեց դրանից հետո։
Անին իր ինստագրամյան էջում հաճախ է հարց ու պատասխաններ կազմակերպում, և դրանցից մեկի ժամանակ նշել էր, որ իրենք շոուն ավարտին կհասցնեն և այն կրկին կվերսկսվի։
