Վերջին ամիսներին համացանցի քննարկման ամենաթեժ թեմաներից մեկը դերասանուհիներ Դիանա Տոռեսի և Տաթև Սարգսյանի միջև տարիներ առաջ եղած միջադեպի հանգուցալուծումն էր:
2 տարի տևած դատական գործընթացներից հետո դերասանուհի Տաթեւ Սարգսյանը դատարանում հաղթել է, իսկ դերասանուհի Դիանա Տոռեսը պարտավորվել է ներողություն խնդրել Տաթև Աարգսյանից և գումարային փոխհատուցում տալ զրպարտության և վիրավորանքի համար:
StarNews-ը ցանկացավ ճշտել, թե երբ և ինչպես է լինելու Դիանա Տոռեսի կողմից ներողություն խնդրելը Տաթևից:
Սակայն դերասանուհի Դիանա Տոռեսը հրաժարվեց պատասխանել մեր հարցին: Նա կարդաց մեր հաղորդագրությունը, սակայն այն անպատասխան մնաց:
Նշենք, որ փորձել ենք մեկնաբանություն ստանալ նաև Տաթևից, ինչը ևս հաջորդիվ կներկայացնենք:
Հիշեցնենք, որ Տաթևը դիմահարդարներից մեկին գրել էր, որ չի ցանկանում իր լուսանկարները հրապարակվեն Դիանայի լուսանկարների կողքին, դա իրեն պատիվ չի բերում, ինչի արդյունքում սույն դիմահարդարը դա ցույց էր տվել Դիանային: Ի պատասխան՝ վերջինս ինստագրամյան իր էջում հրապարակումներ էր արել Տաթևի մասին՝ մասնավորապես անդրադառնալով նրա բարոյականությանը: Տաթևը դիմել էր դատարան իրեն զրպարտելու և վիրավորելու համար:
Նշենք, որ StarNews-ը նաև ներկայացրել էր Ամալյա Հովհաննիսյանի Look & Face հաղորդման շրջանակներում դերասանուհի Տաթև Սարգսյանի անկեղծ խոստովանությունը թեմայի վերաբերյալ: Տաթևը հետևյալն էր ասել.
«Կային մարդիկ, ովքեր այդ շրջանում գրում էին, որ հիացած էին իմ լռությամբ ու իմ դիրքորոշմամբ: Ես այդ աղջկան իմ կյանքում տեսել եմ 4-5 անգամ: Նա ինձ հրավիրեց իրենց տուն, որպեսզի նկարվեմ իր հորեղբոր հետ`նշելով, որ շատ է սիրում ինձ`որպես դերասանուհի:Գնացի իրենց տուն, նկարվեցի: Որոշ ժամանակ անց հրապարակում է նկարը և չի նշում, որ հորեղբայրն է:
Կտրում է հորեղբոր դեմքը, և երևում է այն հատվածը, որ ինձ գրկել է տղամարդ: Այսինքն գնում ես մարդու տուն, որոշ ժամանակ անց`գլխիդ սարքում են:Ընտանիքի ավագն է փորձել մի քանի անգամ կապ հադտատել փաստաբանիս հետ, որպեսզի դսդարեցնենք գործը: Էդ ինչպիսի կյանք պիտի վարես, որ տանդ ավագը ներողություն խնդրի քո փոխարեն»:
Տաթևը նշել էր, որ Դիանան այդ ժամանակ ինքը ևս փորձել է կապ հաստատել` ներողություն խնդրելու համար:
