«Ես չեմ վաճառվում․․․»․ ի՞նչ է թաքնված այս գրառման հետևում․ Լիլի Էլբակյանի գրառումը

Դերասանուհի Լիլի Էլբակյանը նոր հրապարակմամբ է հանդես եկել՝ այս անգամ կիսվելով ոչ միայն լուսանկարով, այլև խորիմաստ ու մտածելու տեղիք տվող գրառմամբ։

Դերասանուհին իր խոսքում անդրադարձել է արժեքներին, ազնվությանը և մարդու իրական նշանակությանը՝ ընդգծելով, որ կան բաներ, որոնք երբեք չեն կարող չափվել նյութականով։

«Ես չեմ վաճառվում։ Փողով ամեն ինչ չեն գնում։ Ոչ ընկերությունը, ոչ ազնվությունը, ոչ արվեստը։

Ազնվությունը գին չունի։ Այն բարձրագույն արժեք է։

Աթոռները կգան ու կգնան։ Ամեն ինչ անցողիկ է։ Բայց մարդը մնում է։ Մնում է նրա թողած հետքը։

Մենք բոլորս մի օր գնալու ենք այս աշխարհից։ Կմնա միայն այն, ինչ թողել ենք մեզնից հետո։

Կարևորը մարդ մնալն է։ Եվ դա է միակ հաղթանակը»,– գրել է նա։

Թե ինչու է դերասանուհին նման մտքերով կիսվում, այս փուլում հստակ ասել հնարավոր չէ։ Սակայն ակնհայտ է, որ նրա խոսքերը լայն արձագանք են գտել և դարձել քննարկումների թեմա։

Լիլի Էլբակյանը հերթական անգամ ցույց է տվել, որ իր հրապարակումները հաճախ կրում են ոչ միայն անձնական, այլև հասարակական և փիլիսոփայական բնույթ՝ ստիպելով հետևորդներին կանգ առնել ու մտածել։