Պրոֆեսիոնալ բռնցքամարտի թեթևագույն քաշային կարգում աշխարհի նախկին բացարձակ չեմպիոն Վիկ(Վախթանգ) Դարչինյանի կինը՝ պրոդյուսեր, սցենարիստ, «Ես կամ» հեռուստանախագծի հեղինակ Ջավահիր Եղիկյանն իր ինստագրամյան էջում հրապարակել է ամուսնու լուսանկարը`գրելով հետևյալը.
«Իմ հերոս»:
Նշենք, որ զույգն աչքի է ընկնում միմյանց հանդեպ տածած մեծ սիրով:
Նշենք նաև, որ առաջինն էինք հայտնել, որ զույգը երկրորդ անգամ երեխայի է սպասում։ Արդեն օրերս նրանց որդին դարձել է 40 օրական: Նրանք փոքրիկին տվել են Բեկ անունը:
Նշենք, որ զույգի ավագ որդու անունն ընտրել էր երեխայի մայրը`որդուն անվանելով հայրիկի 2-րդ անվամբ`Վիկ:
Հիշեցնենք, որ Վիկ Դարչինյանը և Ջավահիր Եղիկյանն ամուսնացել էին 2020 թվականի դեկտեմբերին:
Նշենք, որ մեկ անգամ Վիկի կինը ամուսնու ծննդյան առթիվ հետևյալ գրառումն է կատարել.
«Հայ ազգի հպարտություն, իսկ իմ՝ սիրտ: երբ ծնունդդ շնորհավորեցի ու ասացի . քեզ ցանկանում եմ այն ինչ սիրտդ կցանկանա:
Ասացիր.
«Հիմա մի երազանք ունեմ, որ Հայաստանում խաղաղություն լինի եւ էլ ոչ մի ծնող զավակի կորուստ չտեսնի» …
Ցանկանում եմ, որ ամենաառաջինը հենց այդ ցանկությունդ կատարվի …
Վիկի մասին անվերջ կարելի է խոսել, գիտե՞ք, երբեւէ չէի պատկերացնի, որ այսքան ուժեղ ու հզոր մարդը կարող է միեւնույն ժամանակ լինել այսքան արդար ու բարի …
երջանիկ եմ շատ, որ հենց դու ես իմ ամուսինը. քեզ հետ ես իմացա՝ ինչ է երջանկությունն ու վստահությունը, սերն ու հավատը…
Թող երկնային Տերը օրհնի ու պահապան լինի քեզ իմ հարազատ, իմ սիրելի, իմ Վիկ …»:
