«Մենք պետք է ամուսնանանք ու վերջ». Անդոն պատմել է, թե ինչպես է կինը իրեն ամուսնության առաջարկ արել

Դերասան Անդրանիկ Հարությունյանը օրերս հյուրընկալվել էր Go FM 96.3-ի եթերում, որտեղ անկեղծ զրույց է ունեցել։ Զրույցին հետևել է նաև StarNews-ը։

Անդրանիկը պատմել է նաև իր և կնոջ սիրո պատմության, ինչպես նաև ամուսնության առաջարկի մասին՝ խոստովանելով, որ եթե կինը չլիներ, գուցե ինքը երբեք չամուսնանար։

«Եթե ինքը չլիներ, ես ամուսնացողը չէի։ Իրականում ինքը համոզեց ինձ։ Պարզապես մի օր ասաց՝ “Անդ, մենք պետք ա ամուսնանանք ու վերջ”, ու ես հասկացա, որ եթե չամուսնանանք, վատ ա լինելու»,- ժպիտով պատմել է դերասանը։

Նրա խոսքով՝ մինչ ամուսնությունը նրանք շուրջ երկու տարի շփվել են։