Ամալյա Հովհաննիսյանն իր Liferoom հաղորդման շրջանակներում հյուրընկալել է աշխարհի և Եվրոպայի նախկին չեմպիոն Նազիկ Ավդալյանին: Նազիկն անկեղծ զրույց է ունեցել`խոսելով իր ամուսնալուծության, դրանից հետո և առաջ եղած իրավիճակների մասին:
StarNews-ը հետևել է զրույցին:
Նազիկը նշեց, որ անձնական թեմաների հետ կապված երբեք չի խոսել, ճիշտ էլ չի գտել, որ պետք է խոսել անձնականից, քանի որ իրեն երբեք չի հետաքրքրել որևէ մեկի անձնականը.
«Յուրաքանչյուրն ունի իր կյանքը, և ոչ ոք չգիտի, թե որոշումներից որն ինչու է կայացրել: Ես չեմ քննարկում և քննադատում մարդկանց: Երբեք չեմ խոսել իմ անձնականի մասին, բայց ասեմ`արդեն 5 տարի է ամուսնալուծված ենք: Էնպես չի, որ սա գաղտնի թեմա է, պարզապես չեմ խոսել ես այս մասին»:
Խոսելով բաժանումից հետո իր հոգեվիճակի մասին`Նազիկը նշեց, որ ինքն էությամբ ընտանիքի մարդ է, և հեշտ չի եղել բաժանումից հետո.
«Ես համարում եմ, որ շատ բան եմ արել ու շատ բան արեցի`իմ ընտանիքը պահելու համար: Երբեք չէի մտածի, որ կբաժանվենք մենք, բայց եկավ մի կետի հասավ, որ ես հասկացա, որ չի կարող այդպես շարունակվել և դա անառողջ մթնոլորտ է: Ես միշտ ասել եմ, որ ուզում եմ ունենալ իմ երազած ընտանիքը`առողջ մթնոլորտում, երբ տեսա, որ անառողջ է մթնոլորտն ու դա երեխայի վրա էլ է անդրադառնում, մեր մտածելակերպը, մեր աշխարհընկալումը լրիվ այլ էր, իհարկե ես չէի ուզում բաժանվել, բայց ձգելով-ձգելով, ստացվեց այդպես, ավելի լավ է բաժանվել, քան ունենալ անառողջ ընտանիք»:
