«Ժամանակը չի բուժում. Հանրային դեմքերի հուզիչ գրառումները՝ նվիրված Ռիտա Սարգսյանին»

Մարտի 6-ին՝ Հայաստանի երրորդ նախագահի տիկնոջ՝ Ռիտա Սարգսյանի ծննդյան օրը, Իրենց պաշտոնական էջերում հրապարակումներ են արել բազմաթիվ հայտնի անձինք, ովքեր տարիներ շարունակ համագործակցել կամ պարզապես ջերմ հարաբերություններ են ունեցել նրա հետ։

Ինչպես տեսնում ենք տարածված լուսանկարներում և գրառումներում, հիշատակի տուրքին միացել են՝
Արիանա Հովսեփյանը: Իր հրապարակման մեջ նա շնորհավորել է Ռիտա Սարգսյանի «երկնային ծնունդը»՝ նրան անվանելով «հավերժ առաջին տիկին»։
Մհեր Արմենիան և Ավետ Բարսեղյանը. Հայտնի արվեստագետները, ովքեր բազմիցս մասնակցել են տիկին Սարգսյանի հովանու ներքո իրականացվող մշակութային և բարեգործական նախագծերին, նույնպես կիսվել են արխիվային լուսանկարներով և հուզիչ գրառումներով։

Ռիտա Սարգսյանը ծնվել է 1962 թվականին Ստեփանակերտում։ Որպես երկրի Առաջին տիկին , նա իր գործունեությունը ծավալել է հիմնականում բարեգործական և սոցիալական ոլորտներում՝ հատուկ ուշադրություն դարձնելով երեխաների առողջությանը և մշակութային նախաձեռնություններին։

«Նրա հոգածության ներքո հարյուրավոր երեխաներ հնարավորություն ստացան հաղթահարելու քաղցկեղը և արյան հիվանդությունները։
Լինելով մասնագիտությամբ երաժշտության ուսուցչուհի՝ նա մշտապես սատարում էր տաղանդավոր պատանիներին և նպաստում դասական երաժշտության տարածմանը Հայաստանում։

Նրա աջակցությամբ բազմաթիվ ընտանիքներում ծնվեցին «հրաշք» փոքրիկներ՝ հաղթահարելով անպտղության խնդիրը։

Ինչպես երևում է սոցցանցերում տարածված գրառումներից մարդիկ նրան հիշում են որպես «երկնային ծնունդով» անհատականություն, ում լույսը շարունակում է մնալ նրանց հիշողություններում։ Տարածված լուսանկարներում նա միշտ ժպտերես է և շրջապատված ծաղիկներով։

«Ժամանակը չի բուժում վերքերը. մեզնից հեռանում են սիրելիներն ու հարազատները, բայց նրանց լույսը հավերժ մնում է մեր հիշողություններում», – նշված է հիշատակի գրառումներից մեկում։

Ռիտա Սարգսյանը կյանքից հեռացավ 2020 թվականի նոյեմբերի 20-ին, սակայն նրա թողած բարեգործական ժառանգությունը շարունակում է ապրել բազմաթիվ փրկված կյանքերում։